លោក មាស ភីចេ ចូលរួមពិធី អបអរសាទរ ខួបលេីកទី២៤ ទិវាមុនស្សចាស់កម្ពុជា និងទិវាមនុស្សចាស់អន្តរជាតិ ០១ តុលា ឆ្នាំ២០២២។
ព្រឹកថ្ងៃចន្ទ ១៤រោច ខែអស្សុជ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២៤ ខែតុលា ឆ្នាំ២០២២ លោក មាស ភីចេ តំណាងលោកស្រីប្រធានមន្ទីរវប្បធម៌និងវិចិត្រសិល្បៈ ចូលរួមពិធីអបអរសាទរ ខួបលេីកទី២៤ ទិវាមនុស្សចាស់កម្ពុជា និងទិវាមនុស្សចាស់អន្តរជាតិ ០១ តុលា ឆ្នាំ២០២២ ក្រោមប្រធានបទ “ មនុស្សវ័យចាស់ជាមរតកដ៏សំខាន់ក្នុងការអភិវឌ្ឍគ្រួសារ និងសង្គមជាតិ “ ក្រោមអធិបតីភាព លោកជំទាវ មិថុនា ភូថង អភិបាលនៃគណអភិបាលខេត្តកោះកុង និងជាប្រធានកិត្តិយសអនុគណៈកម្មាធិការដេីម្បីមនុស្សចាស់នៅខេត្តកោះកុង និងឯកឧត្ដម អស់លោក/លោកស្រី អភិបាលក្រុង/ស្រុក ប្រធានមន្ទីរ និងតំណាងមន្ទីរអង្គភាពជុំវិញខេត្ត ចាស់ព្រឹទ្ធាចារ្យ លោកតា លោកយាយ និងបងប្អូនជនមានពិការភាព។
