ថ្ងៃចន្ទ ១៥កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១០ ខែតុលា ឆ្នាំ២០២២ លោកស្រី ផឹង ពិសី ចៅសង្កាត់ស្មាច់មានជ័យ អមដំណើរដោយសមាជិកក្រុមប្រឹក្សា និងមេភូមិ ចុះទៅពិនិត្យមើលសកម្មភាពសាងសង់ផ្លូវបេតុងអាមេប្រវែង ១៣០ម៉ែត្រ ទទឹង ៥ម៉ែត្រ កំរាស់ ០,១៥ម៉ែត្រ ស្ថិតនៅភូមិបឹងឃុនឆាង សង្កាត់ស្មាច់មានជ័យ ដែលជាគម្រោងរបស់រដ្ឋបាល សង្កាត់ ហើយត្រូវបានក្រុមហ៊ុន ពៅ ផល្លា ដេញថ្លៃឈ្នះ ។
សូមបញ្ជាក់ថា៖ ក្រុមហ៊ុន ពៅ ផល្លា បានទទួលកិច្ចសន្យាសាងសង់ផ្លូវបេតុងអាមេនេះចំនួន ០២ ខ្សែ ដែលខ្សែទី១ ប្រវែង ១៣០ម៉ែត្រ និងខ្សែទី២ ប្រវែងជាង ២០០ម៉ែត្រ ហើយនឹងត្រូវសាងសង់បន្ទាប់ពី សាងសង់ខ្សែទី១ រួច។
#ប្រភពពីរដ្ឋបាលក្រុងខេមរភូមិន្ទ#
