ថ្ងៃចន្ទ ១៥កើត ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១០ ខែតុលា ឆ្នាំ២០២២ លោក សែម សំអាង នាយករដ្ឋបាលសាលាស្រុកកោះកុង តំណាងដ៏ខ្ពង់ខ្ពស់ លោក ជា សូវី អភិបាលនៃគណៈអភិបាលស្រុកកោះកុង បានប្រគល់ម៉ូតូដឹកសំរាម ១គ្រឿង ដល់លោក លៀង សាម៉ាត មេឃុំត្រពាំងរូង ក្នុងគោលដៅអោយរដ្ឋបាលឃុំត្រពាំងរូងមានលទ្ធភាព បំរើសេវាសំអាតសំរាមនៅទីតាមសាធារណៈ និងលំនៅឋានរបស់ប្រជាពលរដ្ឋ សំដៅធានាបាននូវសោភ័ណភាពភូមិ ឃុំកាន់តែមានបរិស្ថានស្អាត ការរស់នៅប្រកបដោយផាសុកភាព និងសោភ័ណភាពទាក់ទាញ ស្របទៅនឹងកំណើន នគរូបនីយកម្មសំណង់ សេវាទេសចរណ៍ អាហារដ្ឋាន ផ្ទះសំណាក់ ដែលរួមចំណែកអភិវឌ្ឍសេដ្ឋកិច្ចរបស់មូលដ្ឋានឃុំត្រពាំងរូង ក្រោមពាក្យស្លោក "មានអនាម័យល្អ មានសោភ័ណភាព និងមានបរិស្ថានស្អាត"។