លោក ហាក់ ឡេង អភិបាល នៃគណៈអភិបាលស្រុក បូទុមសាគរ និងជាតំណាងអនុសាខាកបាទក្រហមកម្ពុជាស្រុកបូទុមសាគរ បានដឹកនាំលោកស្រី អ៊ិន សោភ័ណ អនុប្រធានអនុសាខាកាកបាទក្រហមស្រុកបទុមសាគរ រួមជាមួយគណៈកម្មាធិការ គ.ក.ស.ក ស្រុកបូទុមសាគរ លោកមេឃុំតានូន គ.ក.ន.ក ឃុុំ និងក្រុមការងារស្រុក ចុះសួរសុខទុក្ខ ១.លោកយាយ រុំ ចាស់ជរា គ្មានទីពឹងទីទាល់ក្រគ្មានសាច់ញាតិបងប្អូនកូនចៅ ដែលគ្រោះថ្នាក់ដួលបាក់ដៃចេញឆ្អឹងមកក្រៅសុំផ្ចះអ្នកភូមិស្នាក់នៅ មិនមានលទ្ធភាពទៅពេទ្យ ដើម្បីព្យាបាល ទទួលបាន អង្ករ ២៥ គីឡូ គឿងបរិភោគមួយថង់ ថវិកា ៣០ ម៉ឺនរៀល។ ២.លោកតា សុខ ឡូ អតីតមេប៉ុស្តិ៍ឃុំតានូន ចាស់ជរាដែលមានជំងឺប្រចាំកាយ ទទួលបាន អង្គរ ២៥ គីឡូ និងថវិកា ៣០ ម៉ឺនរៀល និងឧបត្ថម្ភ ដល់អ្នកមើលថែទាំលោកយាយចំនួន ៤ ម៉ឺនរៀល។ ដែលស្ថិតនៅ ភូមិព្រែកខ្យង ឃុំតានូន ស្រុកបុទុមសាគរ ខេត្តកោះកុង។