ថ្ងៃសៅរ៍ ១៣កើត ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៨ ខែតុលា ឆ្នាំ២០២២ លោកស្រី ផឹង ពិសី ចៅសង្កាត់ស្មាច់មានជ័យ និងលោក ញ៉ែម យី ចៅសង្កាត់រងទីមួយ បានទទួលអំណោយអង្ករចំនួន ១ តោន , មីចំនួន ២កេសធំ , ទឹកសុទ្ធ ៤០យួរ និងថវិកាចំនួន ៨០០.០០០រៀល ពីលោក ចេង សុជាតិ នឹងលោកស្រី សុន សុវត្ថា ព្រមទាំងក្រុមគ្រួសារ ដែលបានផ្តល់ជូនសម្រាប់ចែកជូនប្រជាពលរដ្ឋក្នុងមូលដ្ឋាន។
រដ្ឋបាលសង្កាត់ស្មាច់មានជ័យ សូមថ្លែងអំណរគុណយ៉ាងជ្រៀលជ្រៅចំពោះលោក ចេង សុជាតិ នឹងលោកស្រី សុន សុវត្ថា ព្រមទាំងក្រុមគ្រួសារ សូមជួបប្រទះតែសេចក្តីសុខ សុខភាពល្អ រកទទួលទានមានបានក្នុងមុខជំនួញ និងជាពិសេសជោគជ័យគ្រប់ភារកិច្ច និងសូមជួបតែពុទ្ធពរទាំងបួនប្រការគឺអាយុវណ្ណ: សុខៈ ពលៈ កុំបីឃ្លៀងឃ្លាតឡើយ។
#ប្រភពពីរដ្ឋបាលក្រុងខេមរភូមិន្ទ#