រដ្ឋបាលខេត្តកោះកុង

ថ្ងៃព្រហស្បតិ៍ ១១កើត ខែអស្សុជ ឆ្នាំខាល ចត្វាស័ក ពស២៥៦៦ ត្រូវនិងថ្ងៃទី០៦ ខែតុលា ឆ្នាំ២០២២ វេលាម៉ោង ៨:៣០នាទីព្រឹក លោក យូ មី ប្រធានក្រុមប្រឹក្សាក្រុង និងលោក ប្រាក់ វិចិត្រ អភិបាល នៃគណ:អភិបាលក្រុងខេមរភូមិន្ទ លោកសៀង កក្កដា អភិបាលរងក្រុង បានដឹកនាំអាជ្ញាធរសង្កាត់ ភូមិ ចូលរួមជាមួយអង្គការមូលនិធិអាស៊ានដើម្បីការអប់រំ និងអភិវឌ្ឍន៍ សហការជាមួយសមាគមន៍ចលនាឥស្លាមកម្ពុជា ក្នុងពិធីសំណេះសំណាលចែកអំណោយជូនប្រជាពលរដ្ឋចំនួន២៥០គ្រួសារ និងប្រគល់ផ្ទះចំនួន១៤ខ្នង នៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង ក្រោមអធិបតីភាពឯកឧត្តម រ៉ូហ្វី អូស្មាន ប្រធានលេខាធិការដ្ឋានគណៈចលនាសាសនិកឥស្លាម របស់គណបក្សប្រជាជនកម្ពុជា និងលោកបណ្ឌិត សំឃិត វៀន អភិបាលខេត្តស្តីទី តំណាងដ៍ខ្ពង់ខ្ពស់លោកជំទាវ អភិបាល នៃគណៈអភិបាលខេត្តកោះកុង ។ អំណោយទាំងអស់នេះបានមកពីសប្បុរសជនផ្តល់តាមរយៈអង្គការមូលនិធិអាស៊ានដើម្បីការអប់រំ និងអភិវឌ្ឍន៍។
ពិធីបានរៀបចំឡើងនៅភូមិ៤ សង្កាត់ដងទង់ ក្រុងខេមរភូមិន្ទ។

#ប្រភពពីរដ្ឋបាលក្រុងខេមរភូមិន្ទ#