មន្ទីរកិច្ចការនារីខេត្ត បានសហការជាមួយអង្គការសង្គ្រោះកុមារ (Save the Children) សម្របសម្រួលក្នុងកម្មវិធី វគ្គបណ្តុះបណ្តាលស្ដីពី "កិច្ចការពារកុមារ ការចិញ្ចឹមកូនបែបវិជ្ជមាន និងសមភាពយេនឌ័រ" ដល់សមាជិកគណៈកម្មាធិការ គ.ក.ន.ក ឃុំកណ្ដោល ដែលមានអ្នកចូលរួមសរុបចំនួន ១៤នាក់ (ស្រី០៤នាក់) នៅសាលាឃុំកណ្ដោល ស្រុកបូទុមសាគរ។
វគ្គបណ្ដុះបណ្ដាលនេះរៀបចំឡើងក្នុងគោលបំណង បង្កើនសមត្ថភាពនិងការយល់ដឹងបន្ថែមដល់សមាជិក គ.ក.ន.ក ឃុំ អំពីកិច្ចការពារកុមារ ការចិញ្ចឹមកូនបែបវិជ្ជមាន និងសមភាពយេនឌ័រ។
ជាលទ្ធផល អ្នកចូលរួមយល់ដឹងបានច្រើនពាក់ព័ន្ធអំពីកិច្ចការពារកុមារ និងការចិញ្ចឹមកូនបែបវិជ្ជមាន និងសមភាពយេនឌ័រ ដើម្បីយកទៅផ្សព្វផ្សាយបន្តដល់សហគមន៍។
ថ្ងៃអង្គារ ១១កើត ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹង ថ្ងៃទី០៦ ខែកញ្ញា ឆ្នាំ២០២២
