ថ្ងៃអង្គារ ១១កើត ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៦ ខែកញ្ញា ឆ្នាំ២០២២
កញ្ញា ឌិត គឹមមាន តំណាងមន្ទីរសុខាភិបាលនៃរដ្ឋបាលខេត្តកោះកុង លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង និងថ្នាក់ដឹកនាំមន្ទីរពេទ្យ បានធ្វេីបដិសណ្ឋារកិច្ច ស្វាគមន៍ដំណើរទស្សនកិច្ចរបស់គណៈប្រតិភូសុខាភិបាលថៃ ដែលមានមន្ទីរសុខាភិបាលខេត្តត្រាត មន្ទីរពេទ្យខេត្តត្រាត និង មន្ទីរពេទ្យស្រុកខ្លងយ៉ៃ ។
គោលបំណងរបស់ទស្សនកិច្ចនេះគឺ ៖
១. ពង្រឹងទំនាក់ទំនងកិច្ចសហប្រតិបត្តិការណ៍រវាងមន្ទីរពេទ្យបង្អែកខេត្តកោះកុង និង មន្ទីរពេទ្យខេត្តត្រាត និងមន្ទីរពេទ្យស្រុកខ្លងយ៉ៃ នៃព្រះរាជាណាចក្រថៃ ។
២. ពិនិត្យលទ្ធផលសម្រេចបានរវាងភាគីទាំងពីរដូចជា អគារ ឧបករណ៍ សម្ភារៈបរិក្ខារពេទ្យ ហេដ្ឋារចនាសម្ព័ន្ធ និងពិនិត្យ តាមដានដំណើរការនៃការប្រើប្រាស់អគារICUថ្មី និងឧបករណ៍ សម្ភារៈ បរិក្ខារពេទ្យដែលឧបត្ថម្ភដោយទីភ្នាក់ងារសហប្រតិបត្តិការអន្តរជាតិថៃ(TICA) និងពិភាក្សាអំពីបញ្ហាដែលកើតមាន និងសំណូមពរ។
៣. ផែនការជួយពង្រឹងការបណ្តុះបណ្តាលនៅនឹងកន្លែង ( local refresher trainings ) ដល់បុគ្គលឹកមន្ទីរពេទ្យបង្អែកខេត្តកោះកុង ។
៤. រៀបចំផែនការយុទ្ឋសាស្រ្តបន្តលេីវិស័យសុខភាភិបាលរវាងភាគីទាំងពីរ ( Strategic plans )
