ឃុំត្រពាំងរូង,ថ្ងៃសុក្រ ៧កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនិងថ្ងៃទី០២ ខែសីហា ឆ្នាំ២០២២ វេលាម៉ោង ១០ និង១៥នាទី ព្រឹក លោក ទូច សុវណ្ណ ជំទប់ទី២ ឃុំត្រពាំងរូង បានសហការណ៍ជាមួយកម្លាំងប៉ុស្តិ៍នគរបាលរដ្ឋបាលត្រពាំងរូង និងលោកមេភូមិដីទំនាប បានចុះធ្វើវេទិកាផ្សព្វផ្សាយសៀវភៅផ្ទាំងធំទម្រង់ទាំង៤ ដល់សិស្សានុសិស្ស នៅសាលាបឋមសិក្សាវត្តត្រពាំងរូង ស្ថិតនៅភូមិដីទំនាប ឃុំត្រពាំងរូង ស្រុកកោះកុង ខេត្តកោះកុង។ ដោយលើកយកប្រធានបទសំខាន់ៗមកផ្សព្វផ្សាយដូចខាងក្រោម:
១.ផ្សព្វផ្សាយអំពីច្បាប់ចរាចរណ៍ផ្លូវគោក។
២.ផ្សព្វផ្សាយអំពីផលប៉ះពាល់នៃការប្រើប្រាស់គ្រឿងញៀន និងបង្ការទប់ស្កាត់ការចែកចាយ ជួញដូរគ្រឿងញៀនគ្រប់ប្រភេទ។
៣.គ្មានអំពើហឹង្សាក្នុងគ្រួសារស្ត្រី និងកុមារទាក់ទងនឹងយេនឌ័រ។
៤.ផ្សព្វផ្សាយអំពីការបង្ការទប់ស្កាត់នៃការឆ្លងវិរុសកូវិដ-១៩ ជាពិសេស ប្រភេទមេរោគវិរុសបំប្លែងថ្មី អូមីក្រុង ដោយអនុវត្តន៍វិធានរបស់ក្រសួងសុខាភិបាល និងអនុសាសន៍ណែនាំរបស់សម្តេចតេជោ ''៣ការពារ ៣កុំ'' ជាប់ជានិច្ច។
???? វេទិកាផ្សព្វផ្សាយខាងលើ មានសិស្សានុសិស្សនិងលោកគ្រូ អ្នកគ្រូចូលរួមចំនួន ៤៧នាក់ ស្រី ១៩ នាក់ និងកម្មវិធីនេះបញ្ចប់នៅវេលាម៉ោង ១០និង ៤៥នាទីព្រឹកថ្ងៃខែឆ្នាំដដែល។
ប្រភព: ឃុំត្រពាំងរូង
