រដ្ឋបាលស្រុកគិរីសាគរ បានរៀបចំកិច្ចប្រជុំសាមញ្ញលេីកទី៣៩ ឆ្នាំទី៤ អាណត្តិទី៣ របស់ក្រុមប្រឹក្សាស្រុក ក្រោមអធិបតីភាព លោក ស្រៀង សេងហុកសមាជិកក្រុមប្រឹក្សាស្រុក និងជាប្រធានអង្គប្រជុំ ក្នុងនោះដែរក៏មានការអញ្ជេីញចូលរួមពី លោក លោកស្រីជាសមាជិកក្រុមប្រឹក្សាស្រុក លោក ចេង មុនីរិទ្ធ អភិបាលស្រុក លោក លោកស្រីអភិបាលរងស្រុក កងកម្លាំងប្រដាប់អាវុធទាំងបី លោកប្រធានការិយាល័យប្រជាពលរដ្ឋនៅរដ្ឋបាលស្រុក លោកជំទប់១ឃុំកោះស្ដេច លោកសមាជិកក្រុមប្រឹក្សាឃុំព្រែកខ្សាច់ លោកស្រីជំទប់១ ឃុំភ្ញីមាស ស្មៀនឃុំភ្ញីមាស លោក លោកស្រី ប្រធាន អនុប្រធាន និងមន្ត្រីការិយាល័យចំណុះសាលាស្រុក ចំពោះរបៀបវារ:រួមមាន៖
១.ពិនិត្យ និងអនុម័តលើសេចក្តីព្រាងកំណត់ហេតុកិច្ចប្រជុំសាមញ្ញលើកទី៣៨ ឆ្នាំទី៤ អាណត្តិទី៣ របស់ក្រុមប្រឹក្សាស្រុក
២.ពិភាក្សា និងអនុម័តលើសេចក្តីព្រាង របាយការណ៍ប្រចាំខែសីហា ឆ្នាំ២០២២ របស់រដ្ឋបាលស្រុក
៣. ពិនិត្យ និងអនុម័តលេីសេចក្ដីព្រាង របាយការណ៍ស្ដីពីវេទិកាផ្សព្វផ្សាយ និងពិគ្រោះយោបល់របស់រដ្ឋបាលស្រុកគិរីសាគរ
៤ .ពិភាក្សាលើបញ្ហាប្រឈម និងផ្តល់ដំណោះស្រាយ
៥ .សេចក្តីផ្សេងៗ
………………………………………………………..
ថ្ងៃពុធ ៥ កើត ខែភទ្របទ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី៣១ ខែសីហា ឆ្នាំ២០២២
August 31, 2022