ស្រុកកោះកុង ៖ ព្រឹកថ្ងៃព្រហស្បតិ៍ ១៣ រោច ខែស្រាពណ៍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៥ ខែសីហា ឆ្នាំ២០២២ លោកស្រី អុិន សុភី អភិបាលរងស្រុកកោះកុង និងជាអនុប្រធានគណៈកម្មាធិការអនុសាខាកាកបាទក្រហមកម្ពុជាស្រុកកោះកុង តំណាងលោក ជា សូវី អភិបាល នៃគណៈអភិបាលស្រុកកោះកុង និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុកកោះកុង អញ្ជើញ
ជាអធិបតីបើកវគ្គបណ្តុះបណ្តាល វិជ្ជាសង្គ្រោះបឋមដល់ទីប្រឹក្សា និងយុវជនកាកបាទក្រហមកម្ពុជាចំនួន២០នាក់ រយ:ពេល ២ថ្ងៃ ដែលប្រព្រឹត្តទៅ ថ្ងៃទី២៥ ដល់ទី២៦ ខែសីហា ឆ្នាំ២០២២ នៅអនុវិទ្យាល័យតាតៃ ក្នុងគោលបំណងពង្រឹងសមត្ថភាព និងបង្កើនចំណេះដឹងដល់យុវជន ឲ្យមានប្រសិទ្ធភាពក្នុងការជួយសង្គ្រោះជនរងគ្រោះ ឬជនរងរបួសផ្សេងៗ មុនពេលគ្រូពេទ្យទៅដល់ជួយសង្គ្រោះ។
សមាសភាពរួមមានក្រុមការងារសាខាកាកបាទក្រហមខេត្ត ជំទប់១ ឃុំតាតៃក្រោម ប្រធានប៉ុស្តិ៍សុខភាពឃុំ នាយក លោកគ្រូ អ្នកគ្រូ និងយុវជនកាកបាទក្រហមអនុវិទ្យាល័យតាតៃ នៅភូមិអន្លង់វ៉ាក់ ឃុំតាតៃក្រោមស្រុកកោះកុង ខេត្តកោះកុង។
