ករណីរងរបួសដោយសារគ្រោះថ្នាក់ចរាចរចូលមកព្យាបាលនៅមន្ទីរពេទ្យបង្អែកខេត្តកោះកុង តែងកើតមានជាញឹកញាប់។ គ្រោះថ្នាក់ចរាចរនៅតែជាបញ្ហាដ៏រសើប ដែលធ្វើឱ្យមានការខាតបង់ជាច្រើន ជាពិសេសជនរងគ្រោះ ត្រូវខាតបង់ការងារ ខាតបង់ទ្រព្យសម្បត្តិ ថវិកា រងរបួស ឈឺចាប់ រហូតដល់ពិកា ឬបាត់បង់ជីវិត និងបណ្តាលឱ្យមានវិបត្តិសេដ្ឋកិច្ចក្នុងគ្រួសារផងដែរ។
ដូច្នេះសូមអ្នកបើកបរទាំងអស់ជាពិសេសអ្នកបើកម៉ូតូ ត្រូវចូលរួមគោរពច្បាប់ចរាចរទាំងអស់គ្នា បើកបរដោយមានស្មារតីប្រុងប្រយ័ត្ន ពាក់មួកសុវត្ថិភាពគ្រប់ពេលបើកបរ បើកបរដោយប្រកាន់តាមគន្លងផ្លូវរបស់ខ្លួន មានការទទួលខុសត្រូវ និងកុំបើកបរក្នុងស្ថានភាពស្រវឹង ។
(សកម្មភាពក្រុមគ្រូពេទ្យផ្នែកវះកាត់ជួយថែទាំព្យាបាល និងសង្គ្រោះជនរងគ្រោះដោយសារគ្រោះថ្នាក់ចរាចរនៅរាត្រីថ្ងៃទី២១ ខែសីហា ឆ្នាំ២០២២។)
