លោកស្រី ឈី វ៉ា អភិបាលរង នៃគណៈអភិបាលខេត្តកោះកុង បានអញ្ជើញជាអធិបតីដឹកនាំកិច្ចប្រជុំពិភាក្សាត្រៀមរៀបចំរបាយការណ៍សង្ខេប និងសូចនាករសំខាន់ៗ ដែលជាសមិទ្ធផលរយៈពេល ៥ឆ្នាំ នៃការអនុវត្តយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាល នៃព្រះរាជាណាចក្រកម្ពុជានីតិកាលទី៦ នៃរដ្ឋសភា ដោយមានការអញ្ជើញចូលរួមពីរដ្ឋបាលក្រុងខេមរភូមិន្ទ ស្រុកស្រែអំបិល ស្រុកមណ្ឌលសីមា មន្ទីរ អង្គភាពជំនាញពាក់ព័ន្ធ រួមជាមួយនឹងទីចាត់ការ អង្គភាពជំនាញចំណុះឱ្យសាលាខេត្តកោះកុង។
ថ្លែងក្នុងកិច្ចប្រជុំនេះ លោកស្រីអភិបាលរងខេត្តនិងជាប្រធានអង្គប្រជុំ បានផ្សព្វផ្សាយអំពីលិខិតលេខ ៥៨៨ សជណ ស.រ ចុះថ្ងៃព្រហស្បតិ៍ ៨រោច ខែអាសាឍ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២១ ខែកក្កដា ឆ្នាំ២០២២ របស់ទីស្ដីការគណៈរដ្ឋមន្ត្រី និងបានអនុញ្ញាតឱ្យសមាជិកអង្គប្រជុំទាំងអស់ ធ្វើការពិភាក្សា អំពីទម្រង់របាយការណ៍ ដែលជាសមិទ្ធផលរយៈពេល ៥ឆ្នាំ សម្រាប់បូកសរុប ជូនទីស្តីការគណៈរដ្ឋមន្ត្រី នាពេលខាងមុខ និងបានស្នេីឱ្យរដ្ឋបាលក្រុង ស្រុកទាំងបី មន្ទីរ អង្គភាព បញ្ជូនរបាយការណ៍ រួមជាមួយនឹងរូបភាព មកក្រុមការងាររដ្ឋបាលខេត្ត ត្រឹមថ្ងៃទី១០ ខែតុលា ឆ្នាំ២០២២ ដេីម្បីក្រុមការងារធ្វេីការបូកសរុប និងត្រៀមរៀបចំកិច្ចប្រជុំត្រួតពិនិត្យសម្រេចចុងក្រោយ មុននឹងបញ្ជូនទៅទីស្តីការគណៈរដ្ឋមន្ត្រី៕
ថ្ងៃសុក្រ ៧ រោច ខែស្រាពណ៍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៩ ខែសីហា ឆ្នាំ២០២២ August 19, 2022