លោកជំទាវ ចាន់ សុទ្ធាវី រដ្ឋលេខាធិការប្រចាំការក្រសួងយុត្តិធម៌ និងជាអនុប្រធាន ក.ជ.ក.ស បានដឹកនាំប្រតិភូក្រុមប្រឹក្សាជាតិកម្ពុជា ដើម្បីស្ត្រី រៀបចំកិច្ចប្រជុំពិភាក្សាលើករណី អំពើហិង្សាលើស្ត្រី និងក្មេងស្រ្តី និងការបង្ហាញអំពីគម្រោងផ្តល់សេវាការពារសិទ្ធិស្ត្រី និងក្មេងស្រី ក្រីក្ររងគ្រោះដោយអំពើហិង្សា និងបទល្មើសពាក់ព័ន្ធនឹងស្ត្រី នៅសាលប្រជុំសាលាដំបូងខេត្តកោះកុង ។
ដើម្បីចែករំលែកចំណេះដឹង បទពិសោធន៍ និងចំណាត់ការពាក់ព័ន្ធនឹងសំណុំរឿងស្ត្រី និងក្មេងស្រី ព្រមទាំងបញ្ហាប្រឈមនានា។

កិច្ចប្រជុំនេះ មានការចូលរួមពី ឯកឧត្តម មីន មករា ប្រធានសាលាដំបូង និង ឯកឧត្តម រស់ សារាំ ព្រះរាជអាជ្ញា នៃអយ្យការអមសាលាដំបូងខេត្តកោះកុង ,អគ្គលេខាធិការ-អគ្គលេខាធិការរង នៃ ក.ជ.ក.ស ,អគ្គលេខាធិការរង នៃក្រសួងយុត្តិធម៌ ,ប្រធាន-អនុប្រធានផ្នែក ,ប្រធាន-អនុប្រធានក្រុមកិច្ចការ នៃ ក.ជ.ក.ស ,តំណាងក្រសួងមហាផ្ទៃ , ចៅក្រម ,ព្រះរាជអាជ្ញារង ,ប្រធាន-អនុប្រធានលេខាធិការដ្ឋាន ,ក្រឡាបញ្ជី ,ប្រធានការិយាល័យ នៃសាលាដំបូងខេត្តកោះកុង និងមេធាវី តំណាងប្រតិភូប្រចាំសាលាដំបូងខេត្តកោះកុង។
ថ្ងៃអង្គារ ៤ រោច ខែស្រាពណ៍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៦ ខែសីហា ឆ្នាំ២០២២ August 16, 2022