ព្រះគ្រូ ហៀន ដើង ព្រះចៅអធិការវត្តគិរីបូទុម ហៅវត្តតាអុក បាននាំយកនូវទេយ្យវត្ថុជូនដល់អនុសាខាកាកបាទក្រហមស្រុកដើម្បីប្រើប្រាស់តាមតម្រូវការ ដោយទេយ្យវត្ថុរួមមាន អង្ករ៣បាវ(១៥០គីឡូក្រាម) មី ប្រេងសណ្តែក ស្ករស អំបិល ទឹកត្រីត្រីខកំប៉ុង ទឹកស៊ីអ៊ីវ និងសម្ភារផ្សេងៗច្រើនទៀតព្រមទាំងថវិកា ២០០.០០០រៀល ។ ឆ្លៀតក្នុងឱកាសនោះលោក ហាក់ ឡេងប្រធានអនុសាខាកាកបាទក្រហមស្រុក និងជាអភិបាលស្រុក បានថ្លែងអំណរគុណ ចំពោះ ព្រះគ្រូ ហៀន ដើង ព្រះចៅអធិការវត្តគិរីបូទុម ហៅវត្តតាអុកដែលតែងតែជួយឧបត្ថម្ភទាំងផ្នែកសម្ភារ និងកម្លាំងកាយចិត្ត មកដល់អនុសាខាកាកបាទក្រហមស្រុកជារឿយៗកាកបាទក្រហមស្រុក សូមប្រគេនពរ ជូនចំពោះព្រះគ្រូចៅអធិការវត្ត សូមមានព្រះសុខភាពល្អនិងគង់ជាម្លប់ដល់ពុទ្ធបរិស័ទតរៀងទៅ។
ប្រភពៈរដ្ឋបាលស្រុកបូទុមសាគរ
================
ថ្ងៃពុធ ១៤ រោច ខែអាសាឍ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី២៧ ខែកក្កដា ឆ្នាំ២០២២
ថ្ងៃនេះ ជាថ្ងៃកោរ
ខែកក្កដា 27, 2022
