រដ្ឋបាលខេត្តកោះកុង

វេលាម៉ោង ៣:០០ នាទីរសៀល ព្រះគ្រូ កែវ ឈឺន ព្រះចៅអធិការវត្តពោធិរង្សី ហៅវត្តកណ្តោល និងព្រះគ្រូ សុង វាសនា ព្រះចៅអធិការវត្តចន្ទមុនីរាម ហៅវត្តអណ្តូងទឹកបាននាំយកនូវទេយ្យវត្ថុជូនដល់អនុសាខាកាកបាទក្រហមស្រុក ដើម្បីប្រើប្រាស់តាមតម្រូវការ ដោយទេយ្យវត្ថុរួមមាន អង្ករ៤បាវ(២០០គីឡូក្រាម) មី២កេស  ប្រេងសណ្តែក ស្ករស អំបិល ទឹកត្រី ត្រីខកំប៉ុង ទឹកស៊ីអ៊ីវ  និងថវិកា២០០.០០០ រៀល ។ ស្របពេលនោះដែរ សមាជិកអនុសាខាកាកបាទក្រហមស្រុក ជំនួសមុខឲ្យលោក ហាក់ ឡេង ប្រធានអនុសាខាកាកបាទក្រហមស្រុក បានថ្លែងអំណរគុណ ចំពោះព្រះចៅអធិការវត្ត្រះអង្គ ដែលតែងតែជួយឧបត្ថម្ភទាំងផ្នែកសម្ភារ និងកម្លាំងកាយចិត្ត មកដល់អនុសាខាកាកបាទក្រហមស្រុកជារឿយៗ កាកបាទក្រហមស្រុក សូមប្រគេនពរ ព្រះចៅអធិការវត្តទាំងពីរព្រះអង្គសូមមានព្រះសុខភាពល្អនិងគង់ជាម្លប់ដល់ពុទ្ធបរិស័ទតរៀងទៅ។

ប្រភពៈរដ្ឋបាលស្រុកបូទុមសាគរ

================

ថ្ងៃអង្គារ ១៣ រោច ខែអាសាឍ ឆ្នាំខាល

ចត្វាស័ក ពុទ្ធសករាជ ២៥៦៦

ត្រូវនឹងថ្ងៃទី២៦ ខែកក្កដា ឆ្នាំ២០២២

ខែកក្កដា 26, 2022