លោក អ៊ុក សុតា នាយករងរដ្ឋបាលសាលាខេត្ត បានអញ្ជើញដឹកនាំសម្របសម្រួលក្នុងកិច្ចប្រជុំពិភាក្សាជ្រើសរើសមូលដ្ឋានផលិតកម្ម សេវាកម្មមួយចំនួន ក្នុងខេត្តកោះកុង។
កិច្ចប្រជុំនេះ ធ្វើឡើងដើម្បីពិភាក្សាត្រៀមលក្ខណៈឱ្យបានគ្រប់ជ្រុងជ្រោយលើការចុះសម្ភាសន៍ជាក់ស្តែងលេីមូលដ្ឋានផលិតកម្ម និងសេវាកម្ម ចំនួន ៤ ក្នុងខេត្តកោះកុង ជាមួយក្រុមការងារអគ្គលេខាធិការដ្ឋាននៃ គ.ជ.ភ១.ផ១ នៅថ្ងៃទី១២ ខែកក្កដា ឆ្នាំ២០២២ ខាងមុខ។
ជាលទ្ធផល អង្គប្រជុំបានឯកភាព ជ្រើសរើសយកផលិតកម្មចំនួន ៤ និង សេវាកម្មចំនួន ៣ ដេីម្បីដាក់ជូនថ្នាក់ដឹកនាំពិនិត្យសម្រេច មុននឹងឈានដល់ការចុះសម្ភាសន៍ជាក់ស្តែង។
សូមបញ្ជាក់ថា ដើម្បីជំរុញដំណើរការចងក្រងសមាជិកចលនាភូមិមួយ ផលិតផលមួយ ក្នុងក្របខ័ណ្ឌទូទាំងប្រទេសសម្រាប់ឆ្នាំ២០២២ ឱ្យទទួលបានជោគជ័យ ក្រុមការងារអគ្គលេខាធិការដ្ឋាននៃគ.ជ.ភ១.ផ១ នឹងចុះអនុវត្តសម្ភាសជាក់ស្ដែងនៅមូលដ្ឋានផលិតកម្មមួយចំនួនក្នុងខេត្ត ជាមួយក្រុមការងារលេខាធិការដ្ឋាននៃគណៈកម្មាធិការជំរុញចលនាភូមិមួយផលិតផលមួយខេត្តកោះកុង នៅថ្ងៃទី១២ ខែកក្កដា ឆ្នាំ២០២២ ខាងមុខ៕
ថ្ងៃព្រហស្បតិ៍ ៩ កើត ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៧ ខែកក្កដា ឆ្នាំ២០២២ July 7, 2022
ប្រាសាទព្រះវិហារ ត្រូវបានចុះក្នុងបញ្ជីបេតិកភណ្ឌពិភពលោក (Prasat Preah Vihear recognized as UNESCO's World Heritage)