មន្ទីរសុខាភិបាលនៃរដ្ឋបាលខេត្តកោះកុង សូមគោរពជម្រាបជូនសារធារណជនទាំងអស់
មេត្តាជ្រាបថា បច្ចុប្បន្ននេះមន្ទីរសុខាភិបាលខេត្តកោះកុង កំពុងបន្តចាក់វ៉ាក់សាំងកូវីដ-១៩ ទាំងដូសមូលដ្ឋាន និងដូសជំរុញជាបន្តបន្ទាប់ ដែលការចាក់វ៉ាក់សាំងកូវីដ-១៩នេះនៅតែជាឧបករណ៍មួយចាំបាច់ក្នុងការបង្កើនភាពស៊ាំបុគ្គល ក៏ដូចជាភាពស៊ាំក្នុងសហគមន៍ សំដៅចូលរួមការទប់ស្កាត់ការឆ្លងរីករាលដាល ការកាត់បន្ថយអត្រាឈឺធ្ងន់ និងអត្រាស្លាប់ដែលបង្ករដោយជំងឺកូវីដ-១៩។
ន័យដូចបាន គោរពជម្រាបជូនខាងលើ មន្ទីរសុខាភិបាលនៃរដ្ឋបាលខេត្តកោះកុង សូមអំពាវនាវដល់ ប្រជាជនទាំងអស់ដែលមានអាយុចាប់ពី៣ឆ្នាំ ដល់អាយុ១៨ឆ្នាំ និងអាយុ១៨ឆ្នាំឡើង ដល់វេនចាក់វ៉ាក់សាំងកូវីដ-១៩គម្លាតរយះពេលចាប់ពី៣ខែឡើង បន្ទាប់ពីចាក់ ដូសទី២ ឬដូសទី៣ ឬដូសទី៤ ឬបានចាក់វ៉ាក់សាំងចនសុន ចនសុនមួយដូសរួច សូមអញ្ជើញទៅចាក់វ៉ាក់សាំងកូវីដ-១៩ ដូសជំរុញនៅតាមមណ្ឌលសុខភាព ប៉ុស្តិ៍សុខភាព ព្រមទាំងទីតាំងចល័តនានាដែលនៅជិតលោកអ្នកបំផុត និងសូមក្រើនរំលឹកដល់អ្នកដែលមិនទាន់បានទទួលការចាក់វ៉ាក់សាំងដូសទី១ និងទី២ទាំងអស់អញ្ជើញទៅទទួលការចាក់វ៉ាក់សាំងកូវីដ-១៩ អោយបានគ្រប់ៗគ្នាផងដែរ។
ឯកសារដែលត្រូវភ្ជាប់មកជាមួយ
- ប័ណ្ណចាក់វ៉ាក់សាំងកូវីដ-១៩
- អត្តសញ្ញាណប័ណ្ណសញ្ជាតិខ្មែរ រឺឯកសារដែលប្រើប្រាស់ ពេលចុះឈ្មោះកាលពីចាក់វ៉ាក់សាំងដូសទី ១