បណ្ឌិត សំឃិត វៀន អភិបាលខេត្តស្តីទី បានអញ្ជេីញជាអធិបតី ក្នុងពិធីសន្និបាតបូកសរុបការងារបោះឆ្នោតជ្រេីសរេីសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅសាខាកាកបាទក្រហមកម្ពុជាខេត្តកោះកុង។
ដោយមានការអនុញ្ញាតពីលោកជំទាវអភិបាលខេត្តកោះកុង បណ្ឌិតអភិបាលស្តីទី បានពាំនាំនូវសេចក្តីថ្លែងអំណរគុណ ដល់រៀបចំការិយាល័យបោះឆ្នោត និងកងកម្លាំងប្រដាប់ទាំងបីប្រភេទ ដែលបានចូលរួមការពារសន្តិសុខ ជូនគណបក្សទាំងអស់ និងការិយាល័យបោះឆ្នោត។ ក្នុងនោះដែរលោកជំទាវ បានកោតសរសើរ ដល់គណបក្សនយោបាយ ដែលចូលរួមក្នុងការប្រកួតប្រជែងក្នុងការបោះឆ្នោត។
លោកអភិបាលខេត្តស្តីទី បានលេីកឡេីងថា ក្នុងនាមអាជ្ញាធរ គឺបានទទួលស្វាគមន៍យ៉ាងកក់ក្តៅចំពោះគ្រប់គណបក្សនយោបាយទាំងអស់ដែលធ្វើសកម្មភាពនៅខេត្តកោះកុង ជាមួយគ្នានេះ យើងតែងតែបានណែនាំមន្ត្រីពាក់ព័ន្ធ កងកម្លាំងប្រដាប់អាវុធ ឱ្យប្រកាន់ខ្ជាប់នូវក្រមសីលធម៌ វិជ្ជាជីវៈការគោរពសិទ្ធិ និងសេចក្ដីថ្លៃថ្នូរ ក្នុងការសម្របសម្រួល និងការពារសុខសុវត្ថិភាពជូន គណបក្សនយោបាយទាំងអស់ ក្នុងនាមជាមហាគ្រួសារខ្មែរតែមួយ។
លោកអភិបាលខេត្តស្តីទី បានថ្លែងអំណរគុណដល់មន្ត្រីពាក់ព័ន្ធ កងកម្លាំងប្រដាប់អាវុធ និងគណបក្សនយោបាយទាំងអស់ ដែលរក្សាបាននូវសាមគ្គីភាព ឯកភាព និងសេចក្ដីថ្លៃថ្នូរ ក្នុងប្រតិបត្តិការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ ឆ្នាំ២០២២ បានប្រព្រឹត្តទៅដោយរលូនសេរី ត្រឹមត្រូវ យុត្តិធម៌ និងតម្លាភាព គួរជាទីមោទនៈ៕
ថ្ងៃពុធ ៨ រោច ខែជេស្ឋ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២២ ខែមិថុនា ឆ្នាំ២០២២ ថ្ងៃនេះ ជាថ្ងៃសីល June 22, 2022