លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញជួបប្រជុំពិភាក្សាការងារមួយចំនួន ជាមួយអ្នកសារព័ត៌មាន ក្នុងខេត្តកោះកុង នៅសាលប្រជុំ (ក)សាលាខេត្ត។
លោកអភិបាលរងខេត្ត សូមថ្លែងអំណរគុណចំពោះបងប្អូនទាំងអស់ ដែលកន្លងមកបានផ្តល់ព័ត៌មាន ដល់ក្រុមការងារ វេបសាយ និងផេកហ្វេសបុក របស់រដ្ឋបាលខេត្តកោះកុង បានបន្តផ្សព្វផ្សាយ ជាពិសេសមន្ទីរព័ត៌មានខេត្ដ ដែលបានផ្តល់នូវរូបភាព និងអត្ថបទ ជាប្រចាំ មួយវិញទៀតបងប្អូនក៏បានផ្តល់នូវខ្លីប វីដេអូ មកដល់ក្រុមការងារធ្វើការចែករំលែកបន្ត ដើម្បីអោយប្រជាពលរដ្ឋ និងអ្នកពាក់ព័ន្ធ បានទទួលព័ត៌មាន អំពីខេត្តកោះកុង របស់យើង៕
