លោក ផៃធូន ផ្លាមកេសន អភិបាលរង នៃគណៈអភិបាលខេត្តកោះកុង បានអញ្ជើញ ជាអធិបតីដឹកកិច្ចប្រជុំត្រៀមរៀបចំការពារសន្តិសុខ សណ្តាប់ធ្នាប់ នៃព្រឹត្តិការណ៍ប្រណាំងកង់ពិភពលោក នៅតំបន់ឆ្នេរសមុទ្រកម្ពុជា លើកទី១ ឆ្នាំ២០២០។
លោកអភិបាលរង ខេត្តកោះកុង សូមឲ្យស្ថាប័ន អង្គភាព មន្ទីរ និងរដ្ឋបាលក្រុង ស្រុក ជាមួយអ្នកពាក់ព័ន្ធ ពង្រឹងកិច្ចសហការឲ្យបានកាន់តែល្អប្រសើរដើម្បីឱ្យព្រឹត្តិការណ៍សំខាន់នេះប្រព្រឹត្តទៅទៅដោយរលូនតាមការគ្រោងទុក និងទទួលបានជោគជ័យ ដើម្បីផ្សព្វផ្សាយអំពីសក្តានុពលតំបន់ឆ្នេរ ក្នុងខេត្តរបស់យើង ជូនភ្ញៀវជាតិ អន្តរជាតិ បានស្គាល់ច្បាស់អំពីតំបន់ឆ្នេរ និងមកទស្សនាកំសាន្តនៅក្នុងខេត្តរបស់យើង ឲ្យបានកាន់តែច្រើនបន្ថែមទៀត។
