លោកនាយកប្រតិបត្តិសាខា បានចាត់អោយលោក ឡុច ភិរ័ក្ស នាយករងសាខា សហការជាមួយអាជ្ញាធរមូលដ្ឋាន អញ្ជើញចុះសួរសុខទុក្ខ និងនាំយកអំណោយ មនុស្សធម៌ផ្តល់ជូនស្ត្រីទើប នឹងសម្រាលបានកូន ឈ្មោះ ម៉ារី យ៉ាំ អាយុ៣៥ ឆ្នាំ និងប្តីមានមានមុខរបរមិនច្បាស់លាស់ រស់នៅជួលផ្ទះ ក្នុងភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង បច្ចុប្បន្នកូនរបស់គាត់មានអាយុប្រាំខែ ដែលកំពុងកើតជំងឺ បេះដូងចំហរ ។
នាឱកាសនោះលោកនាយករងសាខា បានពាំនាំនូវប្រសាសន៍ផ្ដាំផ្ញើសួរសុខទុក្ខពីលោកជំទាវ មិថុនា ភូថង ប្រធានគណៈកម្មាធិការសាខា កក្រក ខេត្តកោះកុង ពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ពិសេសស្ត្រីដែលទើបនឹងសម្រាលកូនថ្មីៗ ជួបការលំបាកដូចពេលនេះ ដោយ មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ។
ជាមួយគ្នានោះផងដែរលោកនាយករងសាខា ក៏បានណែនាំអោយបងស្រីប្រញាប់យកកូនទៅព្យាបាលនៅមន្ទីរពេទ្យគន្ធបុប្ផារាជធានីភ្នំពេញផងដែរ។
អំណោយដែលសាខាផ្តល់ជូនរួមមាន ៖
អង្ករ២៥គក្រ ត្រីខ១ឡូ ទឹកត្រី២ដប អាវយឺត២ ទឹកដោះគោខាប់២កំប៉ុង ធូបមូស២ប្រអប់ ថ្នាំបាញ់មូស២កំប៉ុង ខោទឹកនោម១០ខោ ព្រមទាំងថវិកា ១៥០.០០០រៀល ។
