បណ្ឌិត អ៊ុក ភ័ក្ត្រា អភិបាលរង នៃគណៈអភិបាលខេត្តកោះកុង បានដឹកនាំក្រុមការងារខេត្ត ទទួលស្វាគមន៍ ឯកឧត្តម សុខខេង នវិន្ទ អនុរដ្ឋលេខាធិការក្រសួងបរិស្ថាន និងឯកឧត្តម លោកជំទាវ ក្រុមការងារក្រសួងបរិស្ថាន មន្ទីរបរិស្ថាន អាជ្ញាធរស្រុកបូទុមសាគរ និងឃុំ ដើម្បីចូលរួមចុះពិនិត្យ សិក្សាទីតាំងស្នើសូមសិក្សារបស់ក្រុមហ៊ុន លើគម្រោងអេកូទេសចរណ៍ផ្សារភ្ជាប់ទឹក ដី ដែលជាគម្រោងលើកកម្ពស់ជីវភាពប្រជាពលរដ្ឋសហគមន៍ តាមរយៈគម្រោងវិនិយោគ ចំនួន ៣គម្រោង ស្ថិតក្នុងឧទ្យានជាតិបុទុមសាគរ ក្នុងភូមិសាស្ត ឃុំអណ្តូងទឹក ស្រុកបូទុមសាគរ។ តាមរយៈការចុះពិនិត្យទីតាំងជាក់ស្តែង ក្រុមហ៊ុននឹងយកទៅសិក្សាលំអិតអំពីសក្តានុពល និងរៀបចំផែនការមេ ដើម្បីធ្វើការអភិវឌ្ឍអេកូទេសចរណ៍ឲ្យស្របទៅនឹងស្ថានភាពភូមិសាស្រ្ត និងតម្រូវការរបស់អ្នកទេសចរណ៍៕
ថ្ងៃអង្គារ ១០ កើត ខែពិសាខ ឆ្នាំខាល ចត្វាស័ក ពុទ្ធសករាជ ២៥៦៥ ត្រូវនឹងថ្ងៃទី១០ ខែឧសភា ឆ្នាំ២០២២ May 10, 2022