លោក ផៃធូន ផ្លាមកេសន អភិបាលរង នៃគណៈអភិបាលខេត្តកោះកុង បានអញ្ជើញ ជាអធិបតី អបអរសាទរ ការប្រារព្ធខួបលើកទី ៣៧ ទិវាជនមានពិការភាពអន្តជាតិ និងខួបលើកទី២១ ទិវាជនមានពិការភាពកម្ពុជា ក្រោមប្រធានបទ”លុបបំបាត់ឧបសគ្គរារាំងជនមានពិការភាព ដើម្បីសង្គមមួយប្រកបដោយបរិយាបន្ន”
លោក ផៃធូន ផ្លាមកេសន អភិបាលរង នៃគណៈអភិបាលខេត្តកោះកុង បានអញ្ជើញ ជាអធិបតី អបអរសាទរ ការប្រារព្ធខួបលើកទី ៣៧ ទិវាជនមានពិការភាពអន្តជាតិ និងខួបលើកទី២១ ទិវាជនមានពិការភាពកម្ពុជា ក្រោមប្រធានបទ”លុបបំបាត់ឧបសគ្គរារាំងជនមានពិការភាព ដើម្បីសង្គមមួយប្រកបដោយបរិយាបន្ន”។
លោកអភិបាលរងខេត្ត បានលើកឡើងថា រាជរដ្ឋាភិបាលកម្ពុជា បានដាក់ចេញនូវទួលយោបាយអភិវឌ្ឍជាតិ ដោយបន្តប្ដេជ្ញាថែរក្សាសន្តិភាព ស្ថេរភាព នយោបាយ សន្តិសុខជាតិ កំណើនសេដ្ឋកិច្ចដោយឈរលើមូលដ្ឋានឯករាជ្យ អធិបតេយ្យ បូរណភាពទឹកដី ប្រជាធិបតេយ្យ និងគោរពសិទ្ធិមនុស្ស។ សិទ្ធិរបស់ជនមានពិការភាពក៏ត្រូវបានការពារដោយច្បាប់ជាតិ និងអន្តរជាតិ ក្នុងគោលបំណងការពារសិទ្ធិសេរីភាព ការពារផលប្រយោជន៍ ទប់ស្កាត់ កាត់បន្ថយ លុបបំបាត់ការរើសអើងចំពោះជនមានពិការភាព ដើម្បីធានាដល់សិទ្ធិស្មើគ្នា នៃសកម្មភាពក្នុងសង្គម រវាងជនមានពិការភាពនឹងមិនមានពិការភាព។ រាជរដ្ឋាភិបាលកម្ពុជា បានផ្ដល់សេវាស្ដារលទ្ធភាពពលកម្ម នៅតាមសហគមន៍ និងគាំទ្រជនមានពិការភាពចងក្រងក្រុមជួយខ្លួនឯង ចងក្រងអង្គការជនមានពិការភាពថ្នាក់ឃុំ ស្រុក ខេត្ត ក្នុងទិសដៅឲ្យជនមានពិការភាពអាចជួយគ្នាទៅវិញទៅមក និងរៀបចំផែនការបញ្ជ្រាបវិស័យពិការភាព ជាមួយអាជ្ញាធរមូលដ្ឋានឃុំ សង្កាត់ ក្រុង ស្រុក ខណ្ឌ រាជធានី និងខេត្ត ជាពិសេសចូលរួមចំណែកជួយជនមានពិការភាពក្រីក្រ ក្នុងការលើកកម្ពស់ជីវភាពរស់នៅ របស់ជនមានពិការភាពប្រកបដោយឯករាជ្យ ស្មើភាព ស្មើសិទ្ធិ និងសេចក្តីថ្លៃថ្នូរ៕
