ថ្ងៃព្រហស្បតិ៍ ៧រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៤ ខែមីនា ឆ្នាំ២០២២
កញ្ញា ផាន់ សម្ផស្ស អនុប្រធានទទួលបន្ទុករួមការិយាល័យក្សេត្រសាស្រ្ត និងផលិតភាពកសិកម្ម និងលោកស្រី វុិត ស្រីអែម អនុប្រធានការិយាល័យផ្សព្វផ្សាយកសិកម្ម ដោយសហការ និងសម្របសម្រួលពីអង្គការ Save the Children ក្នុងគម្រោងស្ទៀរ (STEER) បានចុះបើកវគ្គបណ្តុះបណ្តាលដល់ក្រុមកសិករអ្នកផលិត មានរយៈពេល ០៤ថ្ងៃ គឺមានលទ្ធផលដូចខាងក្រោម៖
- ថ្ងៃទី២១ ខែមីនា ឆ្នាំ២០២២ ក្រុមការងារបានចុះតាមដាន ពិនិត្យការងារដាំដុះដំណាំចេក និងបន្លែ បានចំនួន ០៨គ្រួសារ ស្ថិតនៅក្នុងឃុំឫស្សីជ្រុំ ស្រុកថ្មបាំង ខេត្តកោះកុង
- ថ្ងៃទី២២ ខែមីនា ឆ្នាំ២០២២ បានបើកវគ្គបណ្ដុះបណ្ដាល ស្ដីពីការពិភាក្សា និងរំលឹកឡើងវិញពីបច្ចេកទេសដាំដុះដំណាំចេកជាលក្ខណៈអាជីវកម្ម ជូនដល់ក្រុមកសិករអ្នកផលិត បានចំនួន ០៣វគ្គ ដែលមានអ្នកចូលរួមសរុបចំនួន ៣៥នាក់ ស្រី ១៩នាក់
- ថ្ងៃទី២៣-២៤ ខែមីនា ឆ្នាំ២០២២ បានបើកវគ្គបណ្តុះបណ្តាលរំលឹកឡើងវិញ ស្តីពីការកត់ត្រាបញ្ជីស្នាម សម្រាប់ក្រុមកសិករអ្នកផលិត ជួនដល់ប្រធានក្រុម អនុប្រធានក្រុម និងជំនួយការក្រុម ដែលមានអ្នកចូលរួមសរុបចំនួន ៤២នាក់ ស្រី ១៧នាក់។ កម្មវិធីទាំងនេះធ្វើនៅផ្ទះកសិករ ស្ថិតនៅភូមិគគីរជ្រុំ ឃុំឫស្សីជ្រុំ ស្រុកថ្មបាំង ខេត្តកោះកុង។
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
