ដោយមានការយកចិត្តទុកដាក់ពីថ្នាក់ដឹកនាំដែលមានក្រុមការងារថ្នាក់ជាតិចុះមូលដ្ឋានស្រុកថ្មបាំង ថ្នាក់ខេត្ត រដ្ឋបាលស្រុកថ្មបាំងបានពិភាក្សានិងសម្លឹងឃើញពីតម្រូវការនៃការប្រើប្រាស់ចាំបាច់ផ្នែកសេដ្ឋកិច្ចនិងការធ្វើដំណើររបស់ប្រជាពលរដ្ឋនៅទូទាំងស្រុកថ្មបាំង ជាពិសេសនៅតំបន់អារ៉ែង ដែលមានឃុំប្រឡាយ ឃុំជំនាប់ ឃុំថ្មដូនពៅ និង ឃុំជីផាត រដ្ឋបាលស្រុកថ្មបាំងបានសម្រេចធ្វើគម្រោងសាងសង់ផ្លូវក្រាលគ្រួសក្រហម ពី ឃុំថ្មដូនពៅឆ្ពោះទៅឃុំជីផាតដែលប្រើប្រាស់ថវិកាមូលនិធិឃុំចំនួន ២ និងមូលនិធិស្រុកចំនួន ២ គម្រោង ក្នុងគោលដៅដើម្បីសម្រេចឲ្យបាននូវសមិទ្ធផលមួយនេះ។
ជាក់ស្ដែងថ្ងៃនេះដោយមានការយកចិត្តទុកដាក់ពីលោកពេជ្រ ឆលួយ ប្រធានក្រុមប្រឹក្សាស្រុក និងលោកអន សុធារិទ្ធ អភិបាលស្រុក លោកមេឃុំ លោកមេបញ្ជាការសឹករង និងក្រុមការងារបានចុះត្រួតពិនិត្យនៅការងារដែលក្រុមហ៊ុនកំពុងអនុវត្តសាងសង់ផ្លូវក្រាលគ្រួសក្រហមជិតសម្រេចបាន១០០% ។
ថ្ងៃអង្គារ ៧ កើត ខែមាឃ ឆ្នាំឆ្លូវត្រីស័ក ពុទ្ធសករាជ ២៥៦៥ត្រូវនឹងថ្ងៃទី៨ ខែកុម្ភៈ ឆ្នាំ២០២២
