ស្រុកកោះកុង ៖ ព្រឹកថ្ងៃសុក្រ ៥ កើត ខែបុស្ស ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៧ ខែមករា ឆ្នាំ២០២២ លោក ណឹម ភិរម្យ អភិបាលរងស្រុកកោះកុង ដឹកនាំក្រុមការងារស្រុក សហការជាមួយក្រុមការងារពេទ្យក្រសួងការពារជាតិ និងអាជ្ញាធរឃុំតាតៃក្រោម ចុះរៀបចំទីតាំងចាក់វ៉ាក់សាំងដូសទី៣ (ដូសជម្រុញ) ជូនប្រជាពលរដ្ឋឃុំតាតៃក្រោម និងប្រជាពលរដ្ឋទូទាំងស្រុកកោះកុង នៃខេត្តកោះកុង នៅវត្តពោធិ៍គីរីមនោរម្យ ហៅវត្តតាតៃ ស្ថិតនៅភូមិអន្លង់វ៉ាក់ ឃុំតាតៃក្រោម ស្រុកកោះកុង ខេត្តកោះកុង។
