លោក ង៉ែត ឡឹង ប្រធានមន្ទីរអប់រំ យុវជន និងកីឡា ខេត្តកោះកុង បានដឹកនាំក្រុមការងារជំនាញការិយាល័យមធ្យមសិក្សាចំណេះទូទៅនិងប្រឡងនិងឯកឧត្តម ស្រេង ហុងអភិបាលរងនៃគណៈអភិបាលខេត្តទទួលបន្ទុកការងារអប់រំ ចូលរួមប្រជុំពីចម្ងាយ(Zoom)នៅសាលប្រជុំ(ក) ស្ដីពី យន្តការសម្របសម្រួលនិងរៀបចំការប្រឡងសញ្ញាបត្រមធ្យមសិក្សាទុតិយភូមិសម័យប្រឡង៖ ២៧ ធ្នូ ២០២១ ក្រោមអធិបតីភាពឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ដោយមានការចូលរួមពីឯកឧត្តមលោកជំទាវរដ្ឋលេខាធិការក្រសួងអប់រំ ថ្នាក់ដឹកនាំនាយកដ្ឋានកិច្ចការប្រឡង អភិបាល អភិបាលរង រាជធានីខេត្ត ដែលទទួលកិច្ចការវិស័យអប់រំ លោក លោកស្រីស្នងការ ស្នងការរងនគរបាល លោក លោកស្រីប្រធានមន្ទីរអប់រំយុវជននិងកីឡានិងក្រុមការងារការិយាល័យការិយាល័យមធ្យមសិក្សាចំណេះទូទៅនិងប្រឡងលោក លោកស្រីប្រធានមន្ទីរសុខាភិបាលទូទាំង ២៥រាជធានី ខេត្ត សរុបអ្នកចូលរួមប្រមាណ១៥៥ នាក់។ជាលទ្ធផលនៃកិច្ចប្រជុំ៖ ១/វាស់កំដៅនិងពិនិត្យសុខភាពបេក្ខជននិងគណៈកម្មការមេប្រយោគទាំងអស់មួយថ្ងៃមុននៃដំណើរការប្រឡងគឺត្រូវធ្វើនៅថ្ងៃទី២៦ ធ្នូ ២០២១ ដោយរៀបចំជា sticker សម្រាប់បិទសម្គាល់ខ្លួនពីស្ថានភាពធម្មតាដើម្បីអាចចូលរួមក្នុងការប្រឡងនឹងដំណើរការប្រឡង២/បេក្ខជនពិនិត្យឃើញវិជ្ជមាន covid ១៩ មិនអនុញ្ញាតឲ្យប្រឡងនិងត្រូវបញ្ជូនទៅមណ្ឌលមណ្ឌលព្យាបាល ឯគណៈកម្មការមិនអនុញ្ញាតឲ្យចូលរួមក្នុងដំណើរការប្រឡង ដោយឡែកបេក្ខជនដែលជាប់ចត្តាឡីស័កត្រូវរៀបចំបន្ទប់ប្រឡងដាច់ដោយឡែក៣/អភិបាលអភិបាលរងរាជធានីខេត្តត្រូវទទួលខុសត្រូវនិងរៀបចំកងកម្លាំងសម្រាប់រក្សាសុវត្ថិភាពទាំងមុនដំណើរការរហូតដល់ចប់ដំណើរការប្រឡង ដោយគិតសុវត្ថិភាពខ្ពស់ពីថ្ងៃទី ២៥ ដល់៣១ ធ្នូ ២០២១៤/រាជធានីខេត្តត្រូវរៀបចំសេវាកម្មនានាក្នុងដែនសមត្ថកិច្ចខ្លួនមិនឲ្យមានការឡើងថ្លៃដើម្បីជួយសម្រួលដល់បេក្ខជននិងអាណាព្យាបាលព្រមទាំងគណៈមេប្រយោគក្នុងអំឡុងពេលនៃដំណើរការប្រឡង៥/រៀបចំអនុគណៈកម្មការសុខភាពចូលរួមក្នុងដំណើរការប្រឡង៦/លើកជាសំណើធ្វើRapid Test រកអង់ទីហ្សែន កូវីដ១៩ លើបេក្ខជន និងគណៈកម្មការទាំងអស់ ដាក់ជូនឯកឧត្តមបណ្ឌិតសភាចារ្យរដ្ឋមន្ត្រីក្រសួងអប់រំ យុវជន និងកីឡាដើម្បីសម្រេច ឬលើកសំណើជូនសម្ដេចតេជោ។ (អត្ថបទដោយ៖ ហង់ សុវណ្ណ)