លោក ផៃធូន ផ្លាមកេសន អភិបាលស្តីទីខេត្តកោះកុង បានអញ្ជើញជាអធិបតី ដឹកនាំកិច្ចប្រជុំពិគ្រោះយោបល់ក្រុមការងារសម្របសម្រួល ពិគ្រោះយោបល់ និងក្រុមការងារបច្ចេកទេសថ្នាក់ខេត្ត ស្ដីពីការធ្វើបច្ចុប្បន្នភាព សកម្មភាពចុះបញ្ជីដីរដ្ឋ នៅដែនជម្រកសត្វព្រៃពាមក្រសោប ខេត្តកោះកុង នៅសាលប្រជុំមន្ទីរបរិស្ថានខេត្តកោះកុង។

សូមបញ្ជាក់ផងដែរថា តំបន់ការពារធម្មជាតិមានចំនួន ៤ តំបន់ គឺតំបន់ស្នូល តំបន់អភិរក្ស តំបន់ប្រើប្រាស់ដោយចីរភាព និងតំបន់សហគមន៍។ ចំពោះការកំណត់តំបន់ស្នូល និងតំបន់អភិរក្សនៅក្នុងដែនជម្រកសត្វព្រៃពាមក្រសោប ពុំមានប៉ះពាល់ ជាមួយប្រជាពលរដ្ឋនោះទេ និងគ្រោងបិទផ្សាយជាសាធារណៈក្នុងរយៈពេល ១៥ ថ្ងៃ (នីតិវិធីច្បាប់កំណត់)។ បន្ថែមពីលើនេះ បន្ទាប់ពីកំណត់តំបន់គ្រប់គ្រងទាំង២ខាងលើនេះរួច ក្រុមការងារចុះបញ្ជីដីរដ្ឋ នៅដែនជម្រកសត្វព្រៃពាមក្រសោប និងកំណត់តំបន់ប្រើប្រាស់ដោយចីរភាព នៅឆ្នាំក្រោយបន្តទៀត៕