រដ្ឋបាលខេត្តកោះកុង

ថ្ងៃព្រហស្បតិ៍ ៧ កើត ខែកត្តិក ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១១ ខែ វិច្ឆិកា ឆ្នាំ ២០២១

វេលាម៉ោង៧:30នាទី លោកស្រី សុិន ចរិយា អភិបាលរងក្រុង តំណាងឲ្យលោក អភិបាលក្រុងខេមរភូមិន្ទ បានអញ្ជើញចូលរួមជា គណៈអធិបតី ក្នុងវគ្គបណ្តុះបណ្តាលស្តីពីការពង្រឹងតួនាទី ភារកិច្ចរបស់គណៈកម្មាធិការ ពិគ្រោះយោបល់ កិច្ចការស្រ្តី និងកុមារ ក្រុងខេមរភូមិន្ទ និងស្រុកមណ្ឌលសីមា ក្នុងគោលបំណងដើម្បី ពង្រឹងដល់ការអនុវត្តតួនាទី ភារកិច្ច របស់ គ.ក.ស.ក និងគាំទ្រដល់ គ.ក.ន.ក ឃុំ សង្កាត់ នៃក្រុងខេមរភូមិន្ទ និងស្រុកមណ្ឌលសីមា ក្នុងការធានាប្រសិទ្ធភាព ផ្តល់សេវាសង្គមនៅថ្នាក់មូលដ្ឋាន ឲ្យកាន់តែមានប្រសិទ្ធភាព។
ក្រោមអធិបតីភាព លោកជំទាវ សរ ស៊ីមអ៉ីម សមាជិកក្រុមប្រឹក្សាខេត្តកោះកុង និងជាប្រធាន គ.ក.ស.ក ខេត្ត ព្រមទាំងមានការអញ្ជើញចូលរួមពី លោកជំទាវ សមាជិកក្រុមប្រឹក្សា និង ប្រធាន អនុប្រធាន សមាជិក សមាជិកា គ.ក.ស.ក ក្រុងខេមរភូមិន្ទ និងស្រុកមណ្ឌលសីមា ។
វគ្គបណ្តុះបណ្តាលនេះមានសមាសភាពចូលរួមសរុបចំនួន៣០នាក់ ក្នុងនោះជាស្ត្រី ១៩នាក់ មានរយៈពេល២ថ្ងៃ នៅសាលាក្រុងខេមរភូមិន្ទ។

#ប្រភពពីរដ្ឋបាលក្រុងខេមរភូមិន្ទ#