ថ្នាក់ដឹកនាំមន្ទីរពេទ្យបង្អែកខេត្តកោះកុង ជួសមុខឱ្យអ្នកជំងឺ សូមគោរពថ្លែងអំណរគុណយ៉ាងជ្រាលជ្រៅចំពោះសាខាកាកបាទក្រហមកម្ពុជា ខេត្តកោះកុង ដែលមានឯកឧត្តម ប៊ុន លើត ជាប្រធានកិត្តិយសសាខា លោកជំទាវ មិថុនា ភូថង ជាប្រធានគណៈកម្មាធិការសាខា ដែលតែងតែយកចិត្តទុកដាក់ គិតគូពីទុក្ខលំបាក របស់ជនងាយរងគ្រោះ ដោយបានចាត់ឱ្យតំណាងសាខានាំយកនូវអំណោយដែលមានគ្រឿងឧបភោគបរិភោគ និងថវិកាមួយចំនួនឧបត្ថម្ភជូនស្រ្តីក្រីក្រ ខ្វះខាតម្នាក់ដែលទើបតែសម្រាលកូននៅក្នុងមន្ទីរពេទ្យបង្អែកខេត្តកោះកុង ដោយទារកនោះមានអវ:យវ:មិនប្រក្រតី(ជើងខ្ខេរពីកំណើត) ដែលអំណោយទាំងនេះនឹងអាចជួយដោះស្រាយក្នុងជីវភាពរបស់គាត់មួយរយ:ក្នុងការទៅបន្តការព្យាបាលនៅមន្ទីរពេទ្យថ្នាក់ជាតិ រាជធានីភ្នំពេញ។