លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជាអធិបតី ក្នុងសន្និសីទសារព័ត៌មាន ស្តីពីការចាប់បានគ្រឿងញៀន ប្រភេទហេរ៉ូអ៉ីន(Heroine) ដែលចាប់បានកាលពីថ្ងៃទី២២ ខែតុលា ឆ្នាំ២០២១

សូមបញ្ជាក់ថា កាលពីថ្ងៃទី២២ ខែតុលា ឆ្នាំ២០២១ លោកឧត្តមសេនីយ៍ទោ ស្នងការនគរបាលខេត្ត បានដឹកនាំកម្លាំងអន្តរាគមន៍ពិសេស សហការ ជាមួយកម្លាំងអធិការដ្ឋាននគរបាលស្រុកស្រែអំបិល បង្ក្រាបបានករណីជួញជូរ និងរក្សាទុកគ្រឿងញៀន ០១ករណី នៅក្នុងចំណុចភូមិចំការក្រោម ឃុំស្រែអំបិល ស្រុកស្រែអំបិល ឃាត់ខ្លួនមុខសញ្ញសង្ស័យបានចំនួន ០៦នាក់ប្រុស ក្នុងនោះមានជនជាតិបរទេស ជនជាតិថៃ ០២នាក់ដកហូតវត្ថុតាងសរុបរួម ទូកធំ ០១គ្រឿង និងម្សៅក្រាម សថ្លា ប្រមាណ ២១២.៤ គីឡូក្រាម ដាក់ក្នុងកេសចំនួន ១០កេស។