ថ្ងៃអង្គារ ៧ រោច ខែភទ្របទ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៨ ខែកញ្ញា ឆ្នាំ២០២១ កម្លាំងចំរុះរបស់គណៈបញ្ជាការឯកភាពរដ្ឋបាលក្រុងខេមរភូមិន្ទ ដឹកនាំដោយ លោក ឈេង សុវណ្ណដា អភិបាល នៃគណៈអភិបាលក្រុងខេមរភូមិន្ទ និងជាប្រធានគណៈបញ្ជាការឯកភាពរដ្ឋបាលក្រុង បានដឹកនាំក្រុមការងារចុះសម្របសម្រួលបងប្អូនប្រជាពលរដ្ឋ អាជីវករ ដែលលក់ដូរនៅតាមបណ្ដោយផ្លូវដែលគ្មានសណ្ដាប់ធ្នាប់ឲ្យចូលលក់នៅក្នុងផ្សារដងទង់វិញ នឹងបានរៀបចំគំនូសសម្រាប់ការលក់ដូរអោយមានរបៀប និងសោភ័ណ្ឌភាព និងដើម្បីកុំអោយមានការកកស្ទះ គឺនៅផ្នែកខាងលិចផ្សារដងទង់។

#សូមចូលរួមអនុវត្ត បីកុំ បីការពារ ទាំងអស់គ្នា#

#ប្រភពពីរដ្ឋបាលក្រុងខេមរភូមិន្ទ#