តំណាងស្ថានទូត នៃព្រះរាជាណាចក្រថៃ ប្រចាំនៅព្រះរាជាណាចក្រកម្ពុជា បានអញ្ជើញមកធ្វើទស្សនកិច្ច នៅមន្ទីរពេទ្យង្អែកខេត្តកោះកុង ក្នុងគោលបំណងពិនិត្យមើលសមិទ្ធិផលនានាដែលសម្រេចបានលើគម្រោងកិច្ចសហប្រតិបត្តិការ រវាងខេត្តកោះកុង និងខេត្តត្រាតជាពិសេសលើវិស័យសុខាភិបាល ដែលមានមន្ទីរសុខាភិបាលខេត្ត និងមន្ទីរពេទ្យខេត្តកោះកុង មានសហប្រតិបត្តិការយ៉ាងល្អ ជាមួយមន្ទីរសុខាភិបាលខេត្តត្រាត និងទីភ្នាក់ងារប្រតិបត្តិការអន្តរជាតិថៃ ( TICA ) ម្យ៉ាងទៀតពិនិត្យមើលលើតម្រូវការផ្សេៗទៀតរបស់មន្ទីរពេទ្យបង្អែកខេត្ត ដើម្បីរៀបចំផែនការជាមួយគ្នាបន្តទៀតក្នុងគោលដៅលើកស្ទួយវិស័យសុខាភិបាល និងរក្សាចំណងកិច្ចសហប្រតិបត្តិការល្អជាមួយគ្នាជាបន្តទៀត៕