ស្រុកកោះកុង: ថ្ងៃចន្ទ ១៤រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៦ ខែកញ្ញា ឆ្នាំ២០២១ លោក ធិន សម្បត្តិ មេឃុំតាតៃក្រោម និងលោកស្រីមេភូមិអន្លង់វ៉ាក់ បានចុះសួរសុខទុក្ខ គ្រួសារក្រីក្រ ឈ្មោះ ព្រហ្ម សុខម ភេទស្រី អាយុ ៣៥ឆ្នាំ មេម៉ាយ ហើយ គ និងថ្លង់ ស្ថិតនៅភូមិអន្លង់វ៉ាក់ ឃុំតាតៃក្រោម ។ ក្នុងការចុះសួរសុខទុក្ខនេះ លោកមេឃុំ និងលោកស្រីមេភូមិ ក៏បាននាំយកនូវគ្រឿងឧបភោគ បរិភោគ និងថវិកាមួយចំនួន ផ្តល់ជូន រួមមាន: អង្ករ ១បាវតូច មី ១កេសតូច ត្រីខ ១ឡូ ប្រេងឆា ២លីត្រ ស្ករសរ ១kg ថវិកាចំនួន ១៥០ ដុល្លារ និង ១៥ ០០០ រៀល ដើម្បីជួយជួសជុលផ្ទះ ។ ក្នុងនោះ - ថវិកា ១៥០ ដុល្លារ ជាថវិកាផ្ទាល់ខ្លួនរបស់លោក ធិន សម្បត្តិ និងលោកស្រី ឡេង លីផេង និង - ថវិកា ១៥០០០ រៀល ជារបស់លោកស្រី ឡាន់ សារុន មេភូមិអន្លង់វ៉ាក់។
ប្រភព: រដ្ឋបាលឃុំតាតៃក្រោម
