លោក សុខ សុទ្ធី អភិបាលរង នៃគណៈ អភិបាលខេត្តកោះកុង បានអញ្ជើញជាអធិបតីដឹកនាំកិច្ចប្រជុំពិភាក្សាពីបញ្ហាការធ្វើអាជីវកម្ម សិប្បកម្ម ធនធានរ៉ែ នៅលើដងផ្លូវ សាធារណៈរបស់រដ្ឋ ក្នុងក្រុងខេមរភូមិន្ទ និងស្រុកមណ្ឌលសីមា ខេត្តកោះកុង ដោយកម្លាំងសមត្ថកិច្ច និងអាជ្ញាធរមូលដ្ឋានកំពុងតែ អនុវត្តនូវវិធានការសុខាភិបាលពាក់ព័ន្ធនឹងការរីករាលដាលនៃកូវីដ-១៩ ហើយមានការឆកល្វែងអំពីសណ្តាប់ធ្នាប់តាមដងផ្លូវសាធារណៈមួយចំនួន ទើបធ្វើឱ្យរថយន្ត របស់ក្រុមធ្វើអាជីវកម្មដឹកដីលក់ បើកបរល្បឿនលឿន ហួសកម្រិត មិនគោរពច្បាប់ចរាចរណ៍ ធ្វើឱ្យអាចម៍ដី ធ្លាក់រាយប៉ាយតាមដងផ្លូវសាធារណៈ ជាពិសេសកំណាត់ផ្លូវជាតិលេខ៤៨ និងផ្លូវសេរីកា ដើម្បីឱ្យការធ្វើអាជីវកម្ម សិប្បកម្មធនធានរ៉ែ នៅតាមដងផ្លូវសាធារណៈមានសោភ័ណភាពល្អ មានសណ្តាប់ធ្នាប់ និងសុវត្ថិភាព៕