ស្រុកកោះកុង ៖ នៅរសៀលថ្ងៃអង្គារ ៩ កើត ខែស្រាពណ៍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៧ ខែសីហា ឆ្នាំ២០២១ លោក ជា សូវី អភិបាល នៃគណៈអភិបាលស្រុកកោះកុង ដឹកនាំក្រុមការងារ ចុះត្រួតពិនិត្យដំណើរការសាងសង់សាលារៀនបឋមសិក្សាកោះកុងក្នុង ដែលជាគម្រោងជំនួយរបស់អង្គការសហព័ន្ធសាលារៀនពិភពលោក (UWS) អគារសិក្សាចំនួន ០១ខ្នង មាន០៤បន្ទប់ ដោយគម្រោងនេះមានបំពាក់ប្រព័ន្ធសូឡាមួយឈុត ជួសជុលផ្ទះគ្រូ០១ខ្នង មាន០២បន្ទប់ បន្ទប់ទឹក០១ មាន ០៥បន្ទប់ (បន្ទប់ប្រុសចំនួន០២ បន្ទប់ស្រីចំនួន០២ និងកន្លែងលាងដៃចំនួន០១) ម៉ាស៊ីនភ្លើង០១ និងសម្ភារៈបង្រៀន និងរៀនមួយចំនួនទៀត ដែលស្ថិតនៅភូមិកោះកុងក្នុង ឃុំត្រពាំងរូង ស្រុកកោះកុង ខេត្តកោះកុង។
សមាសភាពចូលរួមមានលោក លោកស្រីអភិបាលរងស្រុក នាយករងសាលាស្រុក និងការិយាល័យ អង្គភាពពាក់ព័ន្ធចំណុះរដ្ឋបាលស្រុកកោះកុង និងលោកស្រីមេឃុំត្រពាំងរូង។
