លោក មុំ ម៉ាលិកា ប្រធានមន្ទីរព័ត៌មានខេត្តកោះកុង បានដឹកនាំមន្ត្រីរាជការក្រោយឱវាទទៅទទួលការចាក់វ៉ាក់សាំងប្រឆាំងជំងឺកូវីដ-១៩ ឈ្មោះថា អាស្ត្រាហ្សេនីកា (AstraZenaca) ដូសទី៣(ដូសជំរុញ)នៅទីតាំងសាខាកាកបាទក្រហមកម្ពុជាខេត្តកោះកុង ដើម្បីបង្កើនប្រសិទ្ធភាពទប់ទល់នឹងជំងឺកូវិដ-១៩ ពិសេសប្រភេទបំប្លែងថ្មី ដែលតា (Delta) ដែលកំពុងតែកើតមាននៅលើពិភពលោក និងពេលបច្ចុប្បន្ន កំពុងតែរាលដាលនៅក្នុងរាជធានី ខេត្ត មួយចំនួននៃប្រទេសកម្ពុជា។
ក្នុងឱកាសនេះ លោក ប្រធានក្នុងនាមថ្នាក់ដឹកនាំ និងមន្ត្រីរាជការ មន្ទីរព័ត៌មាន និងអ្នកសារព័ត៌មានប្រចាំខេត្តកោះកុង សូមគោរពថ្លែងអមណរគុណយ៉ាងជ្រាលជ្រៅបំផុត ជូនចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានអនុញ្ញតឱ្យមន្ត្រីរាជការដែលជាមន្ត្រីជួមុខនៅតាមបន្ទាត់ព្រំដែនកម្ពុជា ថៃ ក្នុងនោះមានខេត្តកោះកុងផងដែរ។សូមគោរពថ្លែងអំណរគុណយ៉ាងជ្រាលជ្រៅចំពោះរដ្ឋបាលខេត្តកោះកុង(អនុគណៈចំពោះកិច្ចចាក់វ៉ាក់សាំងកូវីដ-១៩ ខេត្តកោះកុង) ជាពិសេសលោកជំទាវ មិថុនា ភូថង អភិបាលខេត្តកោះកុង ដែលបានអនុញ្ញាតឱ្យថ្នាក់ដឹកនាំ មន្ត្រីរាជការ មន្ទីរព័ត៌មានខេត្តោះកុង ព្រមទាំងអ្នកសារព័តមានក្នុងខេត្តផងដែរ។សូមអរគុណក្រុមការងារចាក់វ៉ាក់សាំង និងក្រុមគ្រូពេទ្យដែលបានយកចិត្តទុកដាក់ សម្របសម្រួលចាក់វ៉ាក់សាំងជូនមន្ត្រីរាជការ និងអ្នកសារព័ត៌មាន ប្រកបដោយភាពទទួលខុសត្រូវខ្ពស់៕