ស្រុកកោះកុង: នៅថ្ងៃទី៣០ ខែកក្កដា ឆ្នាំ២០២១ លោកស្រី កង ឡាយ មេឃុំត្រពាំងរូង បានដឹកនាំក្រុមការងារឃុំរួមមាន: សមាជិកក្រុមប្រឹក្សាឃុំ និងប្រជាការពារភូមិ បានទទួលអំណោយសប្បុរសធម៌ពី លោក អុឹង បឺត សមាជិកគណៈកម្មាធិការអនុសាខាកាកបាទក្រហមកម្ពុជាស្រុកកោះកុង រួមជាមួយគណៈកិត្តិយសអនុសាខា ដែលបានយកមកប្រគល់ជូនកម្លាំងប្រជាការពារភូមិត្រពាំងរូង ដែលកំពុងបំពេញកាតព្វកិច្ចការងារការទប់ស្តាត់ការរីករាលដាលនៃជំងឺកូវីដ-១៩ នៅចំណុចក្រោមស្ពានត្រពាំងរូង ដែលកំពុងរកឃើញមានករណីវិជ្ជមានជាបន្តបន្ទាប់ ដោយធ្វើការហាមឃាត់មិនឱ្យអ្នកខាងក្រៅចេញ-ចូល ក្នុងមូលដ្ឋានភូមិត្រពាំងរូង រយៈពេល ១៤ថ្ងៃ (ពីចំណុចក្រោមស្ពានត្រពាំងរូង ដល់ចំណុចចុងភូមិផ្ទះត្រចៀកកាំ ) ស្ថិតក្នុងភូមិត្រពាំងរូង ឃុំត្រពាំងរូង ស្រុកកោះកុង ខេត្តកោះកុង។ ដែលអំណោយទាំងនោះរួមមាន: អង្ករ ៥០គីឡូក្រាម ទឹកត្រី ២ដប ទឹកស៉ីអ៉ីវ ២ដប ប្រេងឆា ២ដប ស្ករស ២គីឡូក្រាម អំបិលអ៊ីយ៉ូត ២ថង់ មី ១កេស ប៊ីចេង ១កញ្ចប់ ទឹកសុទ្ធ ៥យួរ ម៉ាស ៥ប្រអប់ និងត្រីខកំប៉ុង ១ឡូ។
ប្រភព: រដ្ឋបាលឃុំត្រពាំងរូង
