លោក អៀត វណ្ណា ប្រធានមន្ទីផែនការខេត្ត បានដឹកនាំកិច្ចប្រជុំបែងចែកតួនាទីភារកិច្ចមន្ត្រីក្នុងការងារជំរឿនសេដ្ឋកិច្ច ឆ្នាំ២០២១។
ថ្ងៃអង្គារ ៤កេីត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៣ ខែកក្កដា ឆ្នាំ២០២១ (រដ្ឋបាលមន្ទីរផែនការខេត្តកោះកុង)
លោក អៀត វណ្ណា ប្រធានមន្ទីផែនការខេត្ត បានដឹកនាំកិច្ចប្រជុំបែងចែកតួនាទីភារកិច្ចមន្ត្រីទៅតាមបណ្តាក្រុង/ស្រុក ទូទាំងខេត្ត ដេីម្បីត្រៀមរៀបចំចុះស្រង់ទិន្នន័យ និងគូសផែនទីមណ្ឌលជំរឿនសេដ្ឋកិច្ចកម្ពុជា ឆ្នាំ២០២១ ដែលមានសមាសភាពចូលរួម លោកអនុប្រធានមន្ទីរទទួលបន្ទុក លោក-លោកស្រីប្រធាន អនុប្រធានការិយាល័យ និងមន្រ្តីសរុប ១៨រូប។
