រដ្ឋបាលខេត្តកោះកុង

ថ្ងៃអង្គារ ១៣ កើត ខែបឋមាសាឍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២២ ខែមិថុនា ឆ្នាំ២០២១ វេលាម៉ោង ៣៖០០នាទីរសៀលលោកស្រី ស៊ិន ចរិយា អភិបាលរងក្រុង តំណាងឲ្យលោកអភិបាលក្រុងបានចូលរួមជាមួយមន្រ្តីសាខាកាកបាទក្រហមកម្ពុជាខេត្តកោះកុង លោកចៅសង្កាត់ស្ទឹងវែង លោកស្រីចៅសង្កាត់រងទី១ដងទង់ និងលោក លោកស្រី មេភូមិ ស្ទឹងវែង ព្រែកស្វាយ សង្កាត់ស្ទឹងវែង និង ភូមិ០៤ ភូមិ៣ សង្កាត់ដងទង់ បាននាំយកអំណោយជូនដល់គ្រួសាររងគ្រោះមហន្តរាយដោយសារខ្យល់កន្ត្រាក់ កាលពីថ្ងៃទី២១ ខែមិថុនា ឆ្នាំ២០២១ កន្លងទៅនេះចំនួន០៨គ្រួសារ ភូមិ ០៤និងភូមិ០៣ សង្កាត់ដងទង់ ចំនួន០២គ្រួសារ ភូមិស្ទឹងវែងចំនួន០១គ្រួសារ និងភូមិព្រែកស្វាយចំនួន០៥គ្រួសារ(ក្នុងនោះមាន១គ្រួសារកំពុងធ្វើចត្តាឡីស័កស្ថិតក្នុងភូមិព្រែកស្វាយ)ហើយគ្រួសារនីមួយៗទទួលបានគ្រឿងឧបភោគបរិភោគមានដូចជាអង្ករ២៥គីឡូក្រាម ត្រីខកំប៉ុង១យួរ ទឹកត្រី៣ដប
ទឹកស៊ីអ៊ីវ៣ដប មី១កេះ ទឹកសុទ្ធឪរ៉ាល១កេះ និងថវិកាចំនួន៨ម៉ឺនរៀល ។ ដោយឡែកគ្រួសារដែលចត្តាឡីស័ករងគ្រោះទាំងស្រុងនោះទទួលគ្រឿងឧបភោគ បរិភោគដូចគ្រួសារខាងលើតែថែមជូនតង់កៅស៊ូធំ១ និងថវិកា៥០ម៉ឺនរៀល។

#ប្រភពពីរដ្ឋបាលក្រុងខេមរភូមិន្ទ#