លោក លឹម សាវាន់ នាយករដ្ឋបាលសាលាខេត្តកោះកុង បានអញ្ជើញដឹកនាំកិច្ចប្រជុំត្រួតពិនិត្យលើរបាយការណ៍ប្រចាំខែឧសភា និងលើកទិសដៅការងារប្រចាំខែមិថុនា ឆ្នាំ២០២១ ដោយមានការអញ្ជេីញចូលរួមពីលោក លោកស្រីនាយករងរដ្ឋបាល នាយក នាយករងទីចាត់ការ និងប្រធានអនុប្រធានអង្គភាព ចំណុះសាលាខេត្ត នៅសាលប្រជុំ (ខ) សាលាខេត្ត។
លោកនាយករដ្ឋបាល បានស្នើឱ្យលោក លោកស្រីសមាជិកអង្គប្រជុំទាំងអស់ យកចិត្តទុកដាក់ពិនិត្យលើរបាយការណ៍ប្រចាំខែឧសភា និងលើកទិសដៅការងារប្រចាំខែមិថុនា ឆ្នាំ២០២១ឱ្យបានល្អិតល្អន់ និងគ្រប់ជ្រុងជ្រោយ ព្រមទាំងកែសម្រួលយ៉ាងណាឱ្យបានសមស្រប មុននឹងដាក់ជូនក្រុមប្រឹក្សាខេត្តពិនិត្យ និងអនុម័ត៕
