វគ្គផ្សព្វផ្សាយសេចក្ដីណែនាំ ស្ដីពីការចាប់ផ្ដើមរៀបចំ និងកសាងកម្មវិធីវិនិយោគបីឆ្នាំរំកិល (២០២២-២០២៤)
ថ្ងៃអង្គារ ១៤កេីត ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៥ ខែឧសភា ឆ្នាំ២០២១ វេលាម៉ោង៨:០០នាទីព្រឹក រដ្ឋបាលស្រុកមណ្ឌលសីមា បានរៀបចំវគ្គផ្សព្វផ្សាយសេចក្តីណែនាំ ស្តីពីដំណើរការចាប់ផ្តើមរៀបចំ និងកសាងកម្មវិធីវិនិយោគបីឆ្នាំរំកិល (២០២២-២០២៤) របស់រដ្ឋបាលក្រុង/ស្រុក និងឃុំ/សង្កាត់ ទូទាំងខេត្តកោះកុង នៅស្រុកមណ្ឌលសីមា ក្រោមកិច្ចសហការរៀបចំដោយទីចាត់ការផែនការ និងវិនិយោគ និងមន្ទីរផែនការខេត្ត ក្រោមអធិបតីភាព÷
- លោក ប៉ែន វណ្ណា តំណាងលោកប្រធានក្រុមប្រឹក្សាស្រុក
- លោកស្រី រិន្ទ សោភាភ័ក្រ្ត អភិបាលរង នៃគណៈអភិបាលស្រុក
ព្រមទាំងមានការអញ្ជេីញចូលរួម ក្រុមប្រឹក្សាឃុំទាំង៣ មេឃុំទាំង៣ ស្មៀន មន្ត្រីជំនាញរដ្ឋបាលស្រុក កងប្រដាប់អាវុធទាំង៣ប្រភេទ និងអ្នកពាក់ព័ន្ធជុំវិញស្រុកក្នុងគោលបំណង÷
១-ផ្សព្វផ្សាយគោលការណ៍ណែនាំ ស្តីពីដំណេីរការរៀបចំកម្មវិធីវិនិយោគបីឆ្នាំរំកិល ២០២២-២០២៤
២-បណ្តុះបណ្តាលបំពេញបន្ថែមសេចក្តីណែនាំបច្ចេកទេសការងាររៀបចំកម្មវិធីវនិយោគបីឆ្នាំរំកិល
៣-ពង្រឹងសមត្ថភាពដល់មន្ត្រីជំនាញស្រុក ក្រុមប្រឹក្សាឃុំ និងស្មៀន
៤-គាំទ្របច្ចេកទេសក្នុងការប្រមូលធាតុចូលរៀបចំកម្មវិធីវិនិយោគថ្នាក់ក្រោមជាតិ ។
