ថ្ងៃសុក្រ ១០ កើត ខែជេស្ឋ ឆ្នាំឆ្លូវ ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី២១ ខែឧសភា ឆ្នាំ២០២១ ដោយយោងលើ សេចក្តីជូនដំណឹង លេខ ១៤៧/២១ ស.ជ.ណ ចុះថ្ងៃទី១៩ ខែ ឧសភា ឆ្នាំ ២០២១ របស់រដ្ឋបាលខេត្តកោះកុង ស្តីពីការរៀបចំមណ្ឌលចត្តាឡីស័កកម្រិត១ និងកន្លែងព្យាបាលអ្នកជម្ងឺកូវីដ-១៩ នៅតាមបណ្តាក្រុង/ស្រុក ក្នុងខេត្តកោះកុង។ នាវេលាម៉ោង ១០៖៣០នាទីព្រឹក លោក ឈេង សុវណ្ណដា អភិបាល
នៃគណៈអភិបាលក្រុងខេមរភូមិន្ទ រួមជាមួយលោក លោកស្រី អភិបាលរងក្រុង នាយក/នាយករងរដ្ឋបាលក្រុង ,លោកអធិការ , មេបញ្ជាការកងកម្លាំងទាំងបី ,ចៅសង្កាត់ , ការិយាល័យជំនាញសាលាក្រុង ព្រមទាំងសមាសភាពពាក់ព័ន្ធ បានចុះពិនិត្យមើលស្ថានភាពជាក់ស្តែងចំពោះទីតាំងដែលអង្គប្រជុំ បានពិនិត្យនិងសម្រេចឯកភាពជ្រើសរើសទីតាំងដើម្បីត្រៀមរៀបចំ :
១./ មណ្ឌលចត្តាឡីស័កកម្រិត១ របស់រដ្ឋបាលក្រុង
២./ កន្លែងព្យាបាលអ្នកជម្ងឺកូវីដ-១៩ របស់រដ្ឋបាលក្រុង។
#ប្រភពពីរដ្ឋបាលក្រុងខេមរភូមិន្ទ#
