លោក ជា សូវី អភិបាល និងជាប្រធានគណៈកម្មាធិការអនុសាខា កាកបាទក្រហមកម្ពុជាស្រុកកោះកុង អញ្ជើញទទួលថវិកាបរិច្ចាគចំនួន ៥.០០០.០០០រៀល(ប្រាំលានរៀលគត់) ពីឯកឧត្ដម សឿន រឿត ប្រធានក្រុមការងាររាជរដ្ឋាភិបាល ចុះមូលដ្ឋានស្រុកកោះកុង ខេត្តកោះកុង
ឯកឧត្ដម សឿន រឿត ប្រធានក្រុមការងាររាជរដ្ឋាភិបាល ចុះមូលដ្ឋានស្រុកកោះកុង ខេត្តកោះកុង បរិច្ចាគថវិកាចំនួន ៥.០០០.០០០រៀលគត់ (ប្រាំលានរៀលគត់) ជូនអនុសាខាកាកបាទក្រហមកម្ពុជាស្រុកកោះកុង ខេត្តកោះកុង ដើម្បីអបអរខួបទី១៥៨ ទិវាពិភពលោកកាកបាទក្រហម អឌ្ឍចន្ទក្រហម ទិវា ៨ ឧសភា ២០២១។
លោក ទេព វិស្កុល ប្រធានកិត្តិយសអនុសាខា និងលោក ជា សូវី ប្រធានគណៈកម្មាធិការអនុសាខា កាកបាទក្រហមកម្ពុជាស្រុកកោះកុង ខេត្តកោះកុង សូមថ្លែងអំណរគុណយ៉ាងជ្រាលជ្រៅបំផុតចំពោះឯកឧត្ដម សឿន រឿត ប្រធានក្រុមការងាររាជរដ្ឋាភិបាល ចុះមូលដ្ឋានស្រុកកោះកុង ខេត្តកោះកុង ដែលបានបរិច្ចាគថវិកាចំនួន ៥.០០០.០០០រៀលគត់ (ប្រាំលានរៀលគត់) ជូនអនុសាខាកាកបាទក្រហមកម្ពុជាស្រុកកោះកុងខេត្តកោះកុង ក្នុងឱកាសខួបទី១៥៨ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ឆ្នាំ២០២១ ក្រោមប្រធានបទ «ទាំងអស់គ្នារួមជាមួយកាកបាទក្រហមកម្ពុជា ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ»។
គណៈកិត្តិយស គណៈកម្មាធិការអនុសាខា កាកបាទក្រហមកម្ពុជា ស្រុកកោះកុង ខេត្តកោះកុង សូមជូនពរជ័យដល់សប្បុរជន បានសមប្រកបដោយព្រះពុទ្ធពរទាំង ៤ ប្រការ គឺ អាយុ វណ្ណៈ សុខៈ ពលៈ ជានិច្ចនិរន្តរ៍ កុំបីឃ្លៀងឃ្លាតឡើយ។
នៅក្នុងឱកាសខួបទី១៥៨ ទិវា ៨ ឧសភា ឆ្នាំ២០២១នេះ អនុសាខាកាកបាទក្រហមកម្ពុជា ស្រុកកោះកុង សូមអំពាវនាវ សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន មេត្តាឧបត្ថម្ភគាំទ្រដោយសទ្ធាជ្រះថ្លា ដល់អនុសាខាកាកបាទក្រហមកម្ពុជា ស្រុកកោះកុង ដើម្បីបន្តផ្តល់សេវាកម្មមនុស្សធម៌ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ។
សប្បុរសជនមានបំណងបរិច្ចាគមកអនុសាខាកាកបាទក្រហមកម្ពុជា ស្រុកកោះកុង អាចអញ្ជើញមកទីស្នាក់ការផ្ទាល់ ឬ ទំនាក់ទំនងលេខទូរស័ព្ទ ៖
១/លោកស្រី អ៊ិន សុភី លេខទូរសព្ទ 016 31 82 86
២/លោក អ៊ឹង បឺត លេខទូរសព្ទ 015 92 91 91
