សកម្មភាពចុះត្រួតពិនិត្យ និងយកសំណាកប្រជាពលរដ្ឋនៅភូមិភ្ញីមាស ឃុំភ្ញីមាស ស្រុកគិរីសាគរ ខេត្តកោះកុង

ថ្ងៃអាទិត្យ ១៣រោច ខែពិសាខ ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី០៩ ខែឧសភា ឆ្នាំ២០២១
នាព្រឹកថ្ងៃទី០៩ ខែឧសភា ឆ្នាំ២០២១ តាមការចាត់តាំងរបស់ លោក ចេង មុនីរិទ្ធ អភិបាល នៃគណៈអភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុកលោក ទួន ឪទី អភិបាលរងស្រុក និងជាអនុប្រធានគណៈបញ្ជាការឯកភាពស្រុក បានដឹកនាំសហការី អាជ្ញាធរឃុំ ប៉ុស្តិ៍នគរបាលរដ្ឋបាលឃុំភ្ញីមាស សហការជាមួយក្រុមគ្រូពេទ្យ (RRT) នៃមន្ទីរសុខាភិបាលខេត្ត ចុះត្រួតពិនិត្យ និងយកសំណាកលេីកទី១ ប្រជាពលរដ្ឋឈ្មោះ សាត បញ្ញា ភេទប្រុស នៅភូមិភ្ញីមាស ឃុំភ្ញីមាស ស្រុកគិរីសាគរ ខេត្តកោះកុង លោកអភិបាលរងបានណែនាំដល់ប្រជាពលរដ្ឋនៅក្នុងភូមិ ឱ្យចូលរួមសហការជាមួយអាជ្ញាធរមូលដ្ឋានទាំងអស់គ្នា ដេីម្បីទប់ស្កាត់ការរីរាលដាលនៃជំងឺកូវីដ-១៩ ដោយត្រូវអនុវត្តតាមការណែនាំរបស់រាជរដ្ឋាភិបាល ( ៣ ការពារ ៣ កុំ ) ។