សកម្មភាពចុះសួរសុខទុក្ខប្រជាពលរដ្ឋក្រីក្រនៅភូមិកោះស្តេច
នាព្រឹកថ្ងៃអង្គារ ៨រោច ខែពិសាខ ឆ្នាំឆ្លូវ ត្រីស័ក ព.ស.២៥៦៥ ត្រូវនឹង
ថ្ងៃទី០៤ ខែឧសភា ឆ្នាំ២០២១ ដោយមានការយកចិត្តទុកដាក់ខ្ពស់បំផុតរបស់លោកជំទាវ មិថុនា ភូថង អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមខេត្តកោះកុង លោក ចេង មុនីរិទ្ធ អភិបាល នៃគណៈភអិបាលស្រុក និងជាប្រធានគណៈកម្មាធិការអនុសាខាកាកបាទក្រហមស្រុក បានដឹកនាំក្រុមការងារ សមាជិក សសយក ស្រុក ចំនួន ០៣ រូប និងអាជ្ញាធរឃុំ ចុះសួរសុខទុក្ខ ប្រជាពលរដ្ឋឈ្មោះ ហុន គុណ ភេទស្រី អាយុ ៦៩ ឆ្នាំ ដែលមានជំងឺប្រចាំកាយ ត្រូវទៅព្យាបាលនៅមន្ទីរពេទ្យភ្នំពេញ នៅភូមិកោះស្តេច ឃុំកោះស្តេច ស្រុកគិរីសាគរ ខេត្តកោះកុង ក្នុងនោះដែរក្រុមការងារបាននាំយកថវិកាឧបត្ថម្ភ៖
១. ថវិកា អនុសាខាកាកក្រហមស្រុក ឧបត្ថម្ភចំនួន ២០០,០០០ រៀល
២. លោក ចេង មុនីរិទ្ធ អភិបាលស្រុក ឧបត្ថម្ភថវិកាចំនួន ២០០,០០០ រៀល
៣. លោក សុខ ចេង មេឃុំកោះស្តេច ឧបត្ថម្ភថវិកាចំនួន ១៥០,០០០ រៀល
៣. លោក ខាន់ សុភាន់ អនុប្រធាន សសយក ឧបត្ថម្ភថវិកាចំនួន ១០០,០០០ រៀល
៤. លោក សាង ប៊ុនស៊ាន សមាជិក សសយក ឧបត្ថម្ភថវិកាចំនួន ៥០,០០០ រៀល
៥. លោក ចំរេីន សុវិជ្ជា សមាជិក សសយក ឧបត្ថម្ភថវិកាចំនួន ៣០,០០០ រៀល
សរុបថវិកាចំនួន៖ ៧៣០,០០០ រៀល
