ថ្មបាំង÷ ថ្ងៃព្រហស្បតិ៍ ៣រោច ខែពិសាខ ឆ្នាំឆ្លូវ ត្រីស័ក ពុទ្ធសករាជ ២៥៦៤ ត្រូវនឹងថ្ងៃទី២៩ ខែមេសាឆ្នាំ ២០២១ ដោយមានការចង្អុលបង្ហាញពីលោកអភិបាលស្រុក លោក ឃុត មាន អភិបាលរងស្រុកបានដឹកនាំក្រុមការងារចម្រុះដែលមាន÷លោកនាយកស្ដីទី ប្រធានការិយាល័យកសិកម្ម ធនធានធម្មជាតិ និងបរិស្ថានចំនួន 1 រូប លោកអនុប្រធានការិយាល័យរៀបចំដែនដី នគរូបនីយកម្ម សំណង់ និងភូមិបាលចំនួន 1 រូប លោកអនុប្រធានការិយាល័យសេដ្ឋកិច្ច និងអភិវឌ្ឍន៍សហគមន៍ចំនួន 1 រូប កម្លាំងអធិការដ្ឋាននគរបាលស្រុកចំនួន 2 រូបកងរាជអាវុធហត្ថស្រុកចំនួន 1 រូប កម្លាំងប៉ុស្តិ៍នគរបាលឃុំឬស្សីជ្រុំចំនួន2រូប និងតំណាងរដ្ឋបាលឃុំឬស្សីជ្រុំ 1រូប បានចុះអនុវត្តវិធានរដ្ឋបាលដោយកាប់កម្ទេចដំណាំចេកប្រហែលចំនួន 1000 គុម្ពដែលឈ្មោះ អូន ឈុន ភេទស្រីជាប្រជាពលរដ្ឋនៅភូមិគគីរជ្រុំ ឃុំឬស្សីជ្រុំបានលួចដាំក្នុងដីបម្រុងរបស់ស្រុក(ដីឯកជនរបស់រដ្ឋ)គោលបំណងយកដីធ្វើជាកម្មសិទ្ធិដែលទីតាំងដីស្ថិតនៅភូមិត្រពាំងឈើត្រាវ ឃុំឬស្សីជ្រុំ ស្រុកថ្មបាំង ខេត្តកោះកុង