អំណោយមនុស្សធម៌ អនុសាខា ចុះសំណេះសំណាល និងសួរសុខទក្ខ ប្រជាពលរដ្ឋក្រីក្រ ចំនួន២៤គ្រួសារ រស់នៅភូមិនាងកុក ឃុំប៉ាក់ខ្លង ស្រុកមណ្ឌលសីមា
អនុសាខាកាកបាទក្រហមកម្ពុជា ស្រុកមណ្ឌលសីមា ដឹកនាំដោយ លោក ចា ឡាន់ ប្រធានកិត្តិយសអនុសាខា និងសហការី បានអញ្ជើញចុះសួរសុខទុក្ខ និងនាំយកអំណោយមនុស្សធម៌ ផ្តល់ជូនគ្រួសារចាស់ជរា និងគ្រួសារងាយរងគ្រោះបំផុតចំនួន ២៤គ្រួសារ រស់នៅ ឃុំប៉ាក់ខ្លង និងឃុំនាងកុក ស្រុកមណ្ឌលសីមា ខេត្តកោះកុង ។
នាឱកាសនោះលោកប្រធាន បានពាំនាំនូវប្រសាសន៍ផ្ដាំផ្ញើសួរសុខទុក្ខពីលោកជំទាវ មិថុនា ភូថង ប្រធានគណៈកម្មាធិការសាខា កក្រក ខេត្តកោះកុង ពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ។
អំណោយដែលអនុសាខាផ្ដល់ជូនក្នុងមួយគ្រួសារៗទទួលបាន៖
អង្ករ ១០គក្រ មី១កេស ទឹកសុទ្ធ ១យួរ និងគ្រឿងឧបភោគបរិភោគ ០១កញ្ចប់ ។
