រដ្ឋបាលខេត្តកោះកុង

នារសៀលថ្ងៃចន្ទ ២ កើត ខែចេត្រ ឆ្នាំជូត
ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៥ ខែមីនា ឆ្នាំ២០២១ ក្រុមការងារអនុសាខាកាកបាទក្រហមកម្ពុជាក្រុងខេមរភូមិន្ទ ដឹកនាំដោយលោក ឈេង សុវណ្ណដា អភិបាល នៃគណៈអភិបាលក្រុង និងជាប្រធានគណៈកម្មាធិការអនុសាខាកាកបាទក្រហមកម្ពុជាក្រុងខេមរភូមិន្ទ រួមជាមួយលោក លោកស្រី អនុប្រធាន សមាជិក សមាជិកា គណៈកម្មាធិការអនុសាខាកាកបាទក្រហមកម្ពុជា ក្រុង និងអាជ្ញាធរសង្កាត់-ភូមិ បានចុះសួរសុខទុក្ខ សំណេះសំណាល និងនាំយកគ្រឿងឧបភោគ បរិភោគ ចែកជូនដល់ប្រជាពលរដ្ឋក្រីក្រ ដែលកំពុងធ្វើចត្តាឡីស័ក ចំនួន ០១គ្រួសារ ដែលមានសមាជិកគ្រួសារសរុបចំនួន ០២រូប (ម្តាយ និងកូន) ស្ថិតនៅភូមិ៤ សង្កាត់ដងទង់ ក្រុងខេមរភូមិន្ទ អំណោយដែលទទួលបានរួមមាន៖អង្ករ ២៥គីឡូក្រាម – ស្ករស១គីឡូក្រាម – ទឹកត្រី១ដប – ត្រីខកំប៉ុង ០១យួរ- ទឹកស៊ីអ៉ីវ ១ដប – មីម៉ាម៉ា០១កេសតូច- ប្រេងឆា១លីត្រ- ទឹកក្រូច៤កំប៉ុង និងថវិកាចំនួន៥ម៉ឺនរៀល។

#ប្រភពពីរដ្ឋបាលក្រុងខេមរភូមិន្ទ#